Англија се квалификуваа на Светското првенство во Канада, Мексико и САД, откако вечерва ја “торпедираа” Латвија со 5-0. Тие досега ги добија сите мечеви во овие квалификации, вклучувајќи го и натпреварот кога убедливо ја победија селекцијата на Србија.
Со денешната победа, тие станаа првата европска држава која го обезбеди своето учество, а иако се очекуваше Португалија да им се приклучи, сепак Собослаи со голот за Унгарија во последните минути ја расипа забавата во Лисабон.
🏴 England are headed to the #FIFAWorldCup again!#WeAre26 pic.twitter.com/B4H0C9DfGP
— FIFA World Cup (@FIFAWorldCup) October 14, 2025
Резултатот на денешниот меч за Англичаните го отвори Гордон во 26-та минута, а потоа следуваа два погодоци на Хари Кејн во 44-та и од пенал точката во 45+3 за одлични 3-0 на паузата.
Потоа им помогна малку и Латвиецот Тонишевс со автогол во 58-та минута, а Езе стави точка на натпреварот со погодокот во 86-та минута за конечните 5-0.
