Да се биде тренер на Килијан Мбапе е официјално „најпроколнатата“ работа во фудбалот. Статистички гледано, посигурна работа имаат дури и тренерите во Ватфорд или судиите на дерби натпревар во Турција.
Заминувањето на Чаби Алонсо од Реал Мадрид по само шест месеци отвори една „Пандорина кутија“ која фановите на социјалните мрежи веднаш ја истражија. Дали проблемот е во клубовите или постои еден заеднички именител кој ги „јаде“ стратезите за појадок?
Одговорот лежи во една брутална статистика.
Францускиот „Терминатор“ на стратези: 6 имиња за 8 години!
Откако Килијан Мбапе стана глобална суперѕвезда, тренерите околу него паѓаат како круши. Просечниот рок на траење на еден тренер кој го води Мбапе е само 1.4 години!
Еве ја „листата за отстрел“ за време на неговиот престој во ПСЖ и Реал Мадрид:
- Унаи Емери (ПСЖ): Преживеа 1 сезона со Мбапе.
- Томас Тухел (ПСЖ): Издржа најдолго – 2.5 сезони.
- Маурисио Почетино (ПСЖ): 18 месеци.
- Кристоф Галтие (ПСЖ): 1 сезона.
- Карло Анчелоти (Реал Мадрид): 1 сезона (по доаѓањето на Мбапе).
- Чаби Алонсо (Реал Мадрид): Рекордер – само 6 месеци!
🚨 𝗡𝗘𝗪: Coaches sacked at clubs Kylian Mbappé played for (tenure WITH Mbappé only):
— The Touchline | 𝐓 (@TouchlineX) January 12, 2026
• PSG (2018) — Unai Emery
Tenure with Mbappé: 1 season
• PSG (2020) — Thomas Tuchel
Tenure with Mbappé: 2.5 seasons
• PSG (2022) — Mauricio Pochettino
Tenure with Mbappé: 18 months
•… pic.twitter.com/oVWyQj4wRi
Арбелоа, почни да ги пакуваш куферите?
Новиот тренер Алваро Арбелоа веројатно во моментов прима честитки, но ако ја гледа оваа статистика, веројатно веќе го проверува датумот на истекување на неговиот договор.
Мбапе дојде во Мадрид како „подарокот“ што требаше да донесе доминација, но засега носи само главоболки за луѓето на клупата. Чаби Алонсо се обиде да воведе дисциплина и заврши со „спогодбен раскин“.
Дали Арбелоа ќе биде тој што ќе ја скрши клетвата или само седмото име на листата на „Мбапе жртви“? Времето (и егото на Килијан) ќе покаже.
