Драматична вечер на “Стемфорд Бриџ” и нов пресврт во борбата за врвот на Премиер лигата. Големото дерби меѓу Челси и Ливерпул донесе вистински хаос, но и јасна порака: Арсенал сега е тој што ја има предноста во трката за титулата.
Моментот што ја запечати приказната дојде во судиското продолжение, кога младата ѕвезда Естевaо со прецизен удар донесе победа за Челси од 2–1 и ја потресе табелата.
Арсенал, кој претходно славеше со 2–0 против Вест Хем, ќе ги помине следните две недели на врвот на табелата, благодарение не само на сопствената стабилност, туку и на ненадејниот пад на Ливерпул.
Ливерпул – од победнички навики до загубена контрола
Она што на почетокот од сезоната изгледаше како шампионска менталитет, доцни голови, победнички пресврти, сега се претвора во сопствена слабост. Тимот на Арне Слот запиша трет пораз во низа во сите натпреварувања, сите на гостински терен, и сите заслужени.
Челси одигра интелигентно и агресивно, со одличен пресинг во средниот ред каде што дури и десниот бек Мало Густо играше како централен играч, создавајќи хаос во редовите на Ливерпул.
Во споредба со тоа, настапот на Арсенал неколку часа претходно делуваше како мајсторска класа – смиреност, контрола и зрелост.
Токму тоа им недостига на Ливерпул, стабилност и мир во моментите кога натпреварите се решаваат.
Кратко низ останатите натпревари:
Манчестер јунајтед 2–0 Сандерленд
Тимот на Рубен Аморим конечно пронајде здив по тежок старт на сезоната. Головите на Мејсон Маунт и Бенџамин Шешко донесоа трета домашна победа по ред за “црвените ѓаволи”, кои скокнаа на осмото место со 10 бодови. Сандерленд, пак, останува задоволен со солиден биланс, три победи и два порази, во својата прва сезона по враќањето во елитата.
Лидс 1–2 Тотенхем
Мохамед Кудус го постигна својот прв гол за “Спарс”, со што Тотенхем продолжи со одличната серија под водство на Томас Френк. Со оваа победа, лондонскиот клуб се искачи на табелата и останува непоразен во последните седум натпревари.
