Светското првенство за фудбалери до 17 години влегува во самата завршница. Четвртфиналниот ден во Доха донесе сè што може да се посака, голови во судиското продолжение, пенали, емоции и потврда дека иднината на фудбалот е во сигурни раце.
Еве што се случуваше на терените во Катар.
Бразил во 95-та минута го скрши отпорот на Мароко (2-1)
Во највозбудливиот натпревар на денот, Бразил успеа да го победи жилавиот тим на Мароко со 2-1, благодарение на херојот Дел кој постигна два гола. Бразилците поведоа рано, но Мароканците израмнија пред полувремето преку пеналот на Зијад Баха. Кога сите очекуваа продолженија, Дел во 95-та минута изведе магија, го заобиколи голманот и донесе полуфинале за „Кариоките“.
Австрија продолжува да сонува: Минималец против Јапонија (1-0)
Австрија продолжува да испишува историја. Со минимални 1-0 против Јапонија, тие станаа првиот тим што обезбеди пласман во полуфиналето. Човек на одлука беше Јоханес Мозер, кој со својот шести гол на турнирот во 49. минута ја реши средбата. Ова е најголемиот успех во историјата на австрискиот младински фудбал!
Италија со „катенаџо“ до полуфинале (1-0)
Во типичен италијански стил, Италија го совлада Буркина Фасо со 1-0. Африканците беа опасни, ја погодија и пречката, но „Аѕурите“ беа трпеливи. Победничкиот гол го постигна Томас Кампаниело во 83. минута, по една одлична соло акција. Италија сè уште нема пораз на турнирот.
Португалија сигурна против Швајцарија (2-0)
Европското дерби ѝ припадна на Португалија, која со 2-0 ја елиминираше Швајцарија. Головите на Матеус Миде и Хозе Нето беа доволни за сигурен триумф и прво полуфинале за Португалија од 1989 година.
🗓️ Полуфинални двојки (Понеделник, 24 ноември):
- 14:30: 🇦🇹 Австрија – Италија 🇮🇹
- 17:00: 🇵🇹 Португалија – Бразил 🇧🇷
Кој е вашиот фаворит за титулата?
