Додека цела Англија со нетрпение го очекува утрешното официјално соопштение на селекторот Томас Тухел за финалниот список од 26 патници за Светското првенство 2026 во Северна Америка, низ британските медиуми вечерва одекнаа информации кои предизвикаа вистински фудбалски земјотрес.
Ако им се верува на „протечените“ списоци од повеќе релевантни извори, германскиот стратег донел неколку исклучително тешки и, за многумина, несфатливи одлуки. Во нашата рубрика „Чаршиски Муабети“ ви ги пренесуваме најголемите шокови кои го тресат англискиот фудбал.
Најзвучните имиња кои отпаѓаат
Најголемото изненадување дефинитивно е изоставувањето на двајца играчи кои важат за едни од најдобрите техничари на Островот, Фил Фоден и Кол Палмер.
Според The Athletic, Фил Фоден плаќа данок на бледата сезона под водство на Пеп Гвардиола во Манчестер Сити (само 7 гола во Премиерлигата и слаба форма во репрезентативните кампови).
Слична судбина го снашла и Кол Палмер од Челси, кој и покрај солидните бројки, очигледно е жртва на пеколната конкуренција на позицијата „10ка“ каде Тухел предност им дава на Џуд Белингем, Морган Роџерс и Еберечи Езе.
Хари Мегваер веќе потврди дека е „пречкртан“
За разлика од шпекулациите за Фоден и Палмер, една вест е 100% потврдена. Дефанзивецот на Манчестер Јунајтед, Хари Мегваер, самиот се огласи вечерва, потврдувајќи дека нема да патува на Мундијалот.
„Бев сигурен дека по сезоната што ја имав, можам да одиграм важна улога за мојата земја ова лето. Шокиран сум и уништен од оваа одлука, но им посакувам сè најдобро на момците,“ изјави Мегваер.
I was confident I could of played a major part this summer for my country after the season I’ve had. I’ve been left shocked and gutted by the decision.
— Harry Maguire (@HarryMaguire93) May 21, 2026
I’ve loved nothing more than putting that shirt on and representing my country over the years.
I wish the players, all the… pic.twitter.com/9X7asAkCFF
Покрај него, од дефанзивната линија се очекува да отпаднат и Лук Шо, Фикајо Томори, како и младиот Луис Хол од Њукасл. Во одбраната изненадувачки се враќа Џон Стоунс, а свое место веројатно ќе најдат Ден Брн и Тино Ливраменто.
🚨 Understand Newcastle trio Dan Burn, Tino Livramento and Anthony Gordon are IN the England World Cup squad
— Craig Hope (@CraigHope_DM) May 21, 2026
❌ But no place for Lewis Hall or Harvey Barnes #nufc pic.twitter.com/FI51e8UVxF
Најконтроверзните изостанувања
Навивачите на социјалните мрежи веќе отворено го критикуваат Тухел поради информациите дека во составот нема да има место за некои од играчите со најдобра форма сезонава:
Морган Гибс-Вајт (Нотингем Форест) кој играше брилијантно изминативе месеци.
Џерод Бовен (Вест Хем) кој има 8 голови и 10 асистенции во Премиерлигата.
Наспроти нив, според информациите, во тимот влегуваат имиња како Џордан Хендерсон, кој се враќа поради своето искуство, и неочекувано, Иван Тони, кој има фантастична сезона во Саудиска Арабија со постигнати 42 голови на 49 натпревари, но нема ниту пет минути настап за репрезентацијата под водство на Тухел.
Останува да видиме колку од овие „чаршиски муабети“ утре претпладне ќе станат сурова реалност кога Томас Тухел официјално ќе застане пред новинарите на „Вембли“.
