Црвена Звезда оствари голема победа на гостувањето кај Монако со 96:100 по одиграно продолжение, совладувајќи го еден од најдобрите тимови во Евролигата. Овој триумф имаше и емотивна вредност за тренерот Саша Обрадовиќ, кој за првпат се врати во Кнежевството откако во октомври ја презеде клупата на белградскиот тим.
Апсолутен херој на вечерта беше дебитантoт Ебука Издунду. Тој за само 21 минута на теренот стигна до својот прв „дабл-дабл“ во кариерата со рекордни 22 поени и 12 скокови, остварувајќи индекс на корисност од 36. Во клучните моменти од продолжението се појави Џордан Нвора, кој по лошиот шутерски почеток, постигна две важни тројки за водство, додека Никола Калиниќ со положување во контранапад ги постави финалните 93:100.
Кај победничкиот тим се истакнаа и Семи Оџелеје со 16 поени и Коди Милер-Мекентаер со 11 асистенции. Во домашниот состав најдобар беше Алфа Диало со 19 поени, додека Мајк Џејмс додаде 14. Интересен беше и учинокот на Донатас Мотејунас, кој како позајмен играч од Монако во Звезда, придонесе со 9 поени во победата против својот матичен клуб.
