Лугано: Џани не заборава и се враќа во тимот кој што прв му даде вистинска шанса во Европа… Тимот за кој што играше на офанзивната крилна позиција и ги торпедираше противничките тимови.
Алиоски овојпат, се враќа како прекален лев бек, освојувач на Азиската Лига на Шампиони и играч со огромно искуство, меѓудругото и многу одиграни натпревари во англиската Премиер Лига за легендарниот Лидс.
📼 ⏮️ 𝑯𝒆’𝒔 𝑩𝒂𝒄𝒌!
Bentornato a casa Gjanni! 🤍🖤 #noibianconeri #fclugano #lugano pic.twitter.com/BMxsPDm0ze
— FC Lugano (@FCLugano1908) June 21, 2025
Тимот денес и официјално му посака добре дојде на Алиоски, а ние му посакуваме добра игра во старо-новиот фудбалски дом!
Би сакале да напоменеме дека од минатата сезона, првотимец на Лугано е и 18 годишното момче Илија Масларов кој што е со потекло од Македонија, но ги брани боите на младинските репрезентации на Швајцарија. Со оваа вест сакаме да ги повикаме од ФФМ и “агентот” Џани да се обидат да го предомислат “Иле” и младиот талент да го облече дресот на македонската репрезентација.
