Има приказни кои едноставно ве тераат да се заљубите во фудбалот, а оваа е една од нив. Џејми Кјуртон, вечна фудбалска икона, испиша историја која веројатно никогаш нема да биде повторена. На 50-годишна возраст, тој стана првиот фудбалер во историјата кој постигнал гол во сите 10 нивоа на англиската фудбалска пирамида.
Кјуртон, кој има одиграно над 1.000 професионални натпревари, го постигна историскиот гол за својот нов тим, Кингс Парк Ренџерс, во победата од 4:1. Овој тим се натпреварува во 10-тото ниво на англискиот фудбал.
What a moment History!!! Love this team they have given me so much joy in the last few weeks 👑⚽️ 🎢 https://t.co/epb6prlm1D
— Jamie Cureton (@JamieCuro) October 25, 2025
Од Премиер лига до 10-та лига: Патот на еден голгетер
Патувањето на Џејми Кјуртон е дефиниција за љубов кон играта. Тој ја започна својата кариера во далечната 1993 година во Норвич Сити, каде што постигна голови во тогашната Премиер лига. Низ неговата 30-годишна кариера, тој беше познат голгетер во пониските професионални лиги, особено во Чемпионшип (каде беше и најдобар стрелец во сезоната 2006/07 со Колчестер), Лига 1 и Лига 2.
Наместо да се пензионира, тој продолжи да игра во полупрофесионалните и аматерските лиги (Национална лига, Истмиан лига, итн.), тресејќи ги мрежите на секое ниво. Вчера, со голот за Кингс Парк Ренџерс, тој ја комплетираше неверојатната “десетка”.
“Каков момент! Историја! Го сакам овој тим, ми дадоа толку многу радост во изминатите неколку недели”, напиша емотивниот Кјуртон, кој во кариерата има постигнато над 350 голови.
Навивачите и поранешните соиграчи на социјалните мрежи го прогласија за “легенда” и “крал”, славејќи го неговиот подвиг со коментари дека тој е “како добро вино, станува подобар со годините”.
