Вечерва Кристал Палас го одиграа својот прв натпревар во Конференциската лига на УЕФА, каде завршија откако беа исфрлени од Лига Европа, поради мулти-структурата на сопствеништвото на клубот.
Иако, од клубот во повеќе наврати се жалеа на одлуката, жалбите беа одбиени, а тие изјавија дека иако одлуката според нив е неправедна и тие заслужиле да играат во Лига Европа, сепак ќе се борат и во пониското натпреварување и ќе одат на победи.
Пред вечерашниот дуел со Фредрикштад тие се соочија со уште еден проблем. Нивниот најдобар играч, Еберечи Езе кој е пред трансфер во Арсенал, реши дека нема да игра на натпреварот, а како изговор кажал дека “се чувствува болен”.
Пред натпреварот и самиот тренер Оливер Гласнер потврди дека играчот го искористил тој изговор: “Искрено, очекував дека тој ќе игра денес, но ми се јави утрово и ми рече дека не се чувствува добро за да игра. Јас морам да го прифатам тоа. За сè друго, можете да ги прашате челниците на клубот”.
Oliver Glasner on Eze: “Honestly, I expected him to start today, but he called me this morning & said he doesn’t feel well to play. I have to accept it. Everything else, you have to ask the chairman!” 🤣
🎥 @Channel5Sport pic.twitter.com/buKFVNQpBO
— afcstuff (@afcstuff) August 21, 2025
Но, и покрај неговото отсуство и сите турбуленции ова лето, најважно за тимот и навивачите беше што тие сепак дојдоа до победа во вечерашниот дуел со резултат од 1:0.
Голот на Селхурст Парк го постигна Жан-Филипе Матета, по една хаотична ситуација во шеснаесетникот, после изведениот аут на хрватското засилување Борна Соса. Погледнете го единствениот погодок на натпреварот.
The reactions from Jean-Philippe Mateta 🫡
Powered by @SunExpress Airlines 🛫 pic.twitter.com/gotdrdL7c3
— Crystal Palace F.C. (@CPFC) August 21, 2025
