Денешната трка на Хунгароринг започна со Шарл Леклер на пол-позицијата, со двата болида на Мекларен зад него. После одличниот старт тој ја задржа првата позиција, додека Ландо Норис падна на петтото место.
Но, ако сите мислеа дека ова е добиена трка за Ферари, италијанскиот тим уште еднаш покажа дека се “махери” да изгубат добиена трка, со лоша стратегија за влез во боксот и промената на тврдите гуми, со што Леклер практично ја изгуби трката и не успеа да дојде ниту до место на подиумот.
Возачот од Монако беше видно фрустриран од стратегијата, а во неколку наврати на тимското радио го изрази незадоволството.
Ferrari ruined Leclerc’s race…
He’s saying it’s a miracle if they even get a podium. pic.twitter.com/GYpfDuX0nH
— deni (@fiagirly) August 3, 2025
За разлика од нив, Мекларен решија да ризикуваат со Ландо Норис и да влезат само еднаш во пит-стоп, што се покажа како одличен потег и донесе триумф за Британскиот возач.
Зад него се најде Оскар Пијастри, кој во последните кругови се обиде да ја преземе првата позиција во тимската борба, но не успеа и заврши на второто место.
Одлична трка имаше и возачот на Мерцедес, Џорџ Расел, кој се најде на третото место и обезбеди место на подиумот после подолго време, што дава нова мотивација на тимот пред заминувањето на летната пауза.
Борбата меѓу двата шофери на Мекларен продолжува и понатака, а неизвесноста за кој од двајцата за прв пат ќе го освои шампионатот ќе трае и во наредните трки.
