Љубителите на фудбалот и на популарните LEGO коцки добија вистинско уживање. Како дел од глобалната кампања за Светското првенство 2026, гигантот LEGO промовираше видео во кое на едно место ги собра четирите најголеми ѕвезди на денешницата: Лионел Меси, Кристијано Роналдо, Килијан Мбапе и Винициус Јуниор.
Ова е првпат по култната кампања на „Louis Vuitton“ од 2022 година, Меси и Роналдо повторно да се појават заедно во иста реклама, но овојпат со уште посилно друштво.
We have got a NEW Lionel Messi and Cristiano Ronaldo advert…👏👀
— george (@StokeyyG2) April 2, 2026
This LEGO advert features Kylian Mbappe and Vini Jr too for the upcoming World Cup. pic.twitter.com/slFYj87KVA
Кој ќе го постави „мини-фудбалерот“ на трофејот?
Во видеото, четворицата капитени седат околу тркалезна маса и заеднички го склопуваат златниот мундијалски трофеј од LEGO коцки. Заплетот настанува кога треба да се одлучи кој ќе ја постави последната фигура на врвот – тркалото на среќата се врти меѓу легендите, но на крајот застанува пред едно дете. Токму малиот навивач ја добива честа да го постави „мини-човечето“ и да ја комплетира инсталацијата.
Оваа реклама веднаш стана вирална на социјалните мрежи, симболизирајќи го спојот меѓу генерациите и сонот на секое дете да биде дел од најголемиот фудбалски настан.
