НБА лигата реши да го прослави својот 75-ти јубилеен Ол-стар натпревар со најголемата промена во историјата на овој спектакл. Наместо класичниот дуел меѓу Истокот и Западот, во 2026 година во Лос Анџелес (Интуит Доум) ќе гледаме вистинска војна на световите: САД против Остатокот од светот!
НБА и Здружението на играчи (NBPA) официјално го потврдија новиот формат кој ветува многу поголем натпреварувачки дух и динамика.
2026 NBA ALL-STAR GAME TO FEATURE NEW U.S. VS. WORLD COMPETITION
— NBA (@NBA) November 12, 2025
– Two U.S. Teams and One World Team in Round-Robin Tournament With Four 12-Minute Games –
NEW YORK, Nov. 11, 2025 – The National Basketball Association (NBA) and the National Basketball Players Association (NBPA)… pic.twitter.com/UaG5eUnU89
Новиот формат: Три тима, еден шампион
Заборавете на еден долг натпревар. Ол-стар викендот во 2026 година ќе се трансформира во мини-турнир со три екипи кои ќе играат по системот „секој со секого“.
Спектаклот во Лос Анџелес ќе започне со внатрешна пресметка меѓу двете американски екипи, Тим А и Тим Б, кои во првите 12 минути ќе го отворат турнирот. Веднаш потоа на сцената стапнува Тим Свет, кој во вториот натпревар ќе се соочи со победникот од воведното дерби, додека во третиот дуел интернационалните ѕвезди ќе ги одмерат силите со поразената екипа од првиот меч.
Овој динамичен круг на натпревари ќе ги филтрира двете најуспешни екипи кои ќе се пласираат во големото финале за трофејот. Доколку по три одиграни средби се случи сите три тима да бидат изедначени со по една победа и еден пораз, патниците во финалето ќе бидат одредени според вкупната кош-разлика остварена во нивните два натпревари.
Гласањето е отворено: Вие одлучувате за ѕвездите!
Гласањето за 75-тиот Ол-стар натпревар веќе е отворено и ќе трае до 14 јануари. Оваа година има една клучна новина: играчите се избираат без оглед на нивната позиција на теренот!
Како се избираат 24-те Ол-стар играчи?
Стартери (10 играчи): Избрани преку фановите (50%), самите НБА играчи (25%) и медиумите (25%).
Резерви (14 играчи): Избрани директно од главните тренери во НБА
Доколку преку гласањето не се изберат минимум 16 американски и 8 интернационални играчи, комесарот Адам Силвер има овластување директно да ги пополни тимовите за да се одржи форматот САД против Светот.
Љубителите на НБА ширум светот може да гласаат за своите фаворити тука: vote.nba.com
