Претседателот и цел одбор на Фудбалскиот дисциплинарен комитет во професионалната фудбалска лига во Турција си дадоа оставки, откако во јавноста протекоа пораки дека го таргетирале Мурињо и тимот на Фенербахче.
Мурињо во повеќе наврати се жалеше од судењето на натпреварите во турската лига, а по сè што излезе во јавноста во последните денови, изгледа дека бил сосема во право.
Според протечените “WhatsApp” пораки, дисциплинарниот комитет покажувал пристрасност кон Галатасарај, а меѓу пораките има и онакви кои ги исмејуваат претседателите и тренерите на одредени клубови.
Најголем трн во око очигледно им бил славниот Жозе Мурињо, за кого пишувале: “Ќе го натераме да плати идната сезона”, како и пораки во кои се споменувало дека “бил предолго толериран” и дека ќе “му надоместат за сè наредната година”.
Jose Mourinho was right! pic.twitter.com/vv5kgKhQDl
— GreenTurf (@TheGreenTurf2) June 17, 2025
