Српскиот тениски ас, Новак Ѓоковиќ успеа да се избори со исцрпеноста и повредата на глуждот и да дојде до нова победа на турнирот во Шангај. Тој го победи Шпанецот Хауме Мунар во три сетови, односно со резултат 6-3, 5-7, 6-2.
Со оваа победа Ѓоковиќ го задржа статусот на фаворит за освојување на турнирот, откако другите подобро пласирани тенисери се откажаа или беа елиминирани во претходните мечеви.
38 годишниот тенисер имаше проблеми со повреда на ногата, па уште во првиот сет изгледаше како да се откаже. Сепак, по медицинската пауза и интервенцијата на физиотерапевтите, Србинот успеа да продолжи.
Oldest ATP Masters 1000 quarter-finalist 🙌
26-0 after winning first sets in 2025 😤Ladies and gentlemen, 38-year-old Novak Djokovic. 🐐@DjokerNole #RolexShanghaiMasters pic.twitter.com/lduJz2caLV
— Rolex Shanghai Masters (@SH_RolexMasters) October 7, 2025
Во вториот сет тој повторно се пожали дека “не може да дише” поради топлото време, бидејќи во одредени делови од мечот влажноста на воздухот се искачуваше и до 90%. Сепак, тој успеа да ја најде потребната енергија, најмногу поради огромната поддршка од кинеската публика на трибините.
Во третиот сет веќе 41 пласираниот Мунар попушти под притисокот, па после игра од 2 часа и 45 минути Ѓоковиќ успеа да триумфира за влез во четвртфиналето.
“Ви благодарам, ви благодарам на сите, ве сакам!”, им извика тој на поддржувачите на трибините, каде Новак е можеби еден од најомилените спортисти и секогаш има огромна поддршка.
Keeping the streak alive 🔥
Nole overcomes injury scare and Munar 3-6 7-5 6-2 to stay unbeaten after winning 1st sets this season!@DjokerNole #RolexShanghaiMasters pic.twitter.com/uk3B8AYw4O
— Rolex Shanghai Masters (@SH_RolexMasters) October 7, 2025
