Гранде Кими! Трета победа по ред за „чудото од дете“ на Мерцедес!

Италијанскиот тинејџер Кими Антонели продолжува да доминира во светот на Формула 1. Во една од највозбудливите трки оваа сезона, возачот на Мерцедес славеше на Големата награда на Мајами, издржувајќи го силниот притисок од Ландо Норис во финишот. Со овој триумф, Антонели стана првиот возач во историјата на овој спорт кој успеал своите први три пол-позиции во кариерата да ги претвори во победи.

Трката започна со вистински хаос уште во првиот свијок. Антонели, Верстапен и Леклер влегоа во тристрана битка, при што Мерцедес и Ред Бул ги блокираа своите сопирачки. Макс Верстапен имаше контакт со Леклер, по што неговиот болид се заврте за 360 степени, исфрлајќи го актуелниот шампион на дното од поредокот.

PURE CHAOS AT THE START! 😱

Here’s how the Miami Grand Prix start unfolded ⬇️#F1 #MiamiGP pic.twitter.com/LVdxET24Et

— Formula 1 (@F1) May 3, 2026

Мекларен на подиум, драма за Ферари

Иако во еден дел од трката Верстапен, Пијастри и Норис се менуваа на лидерската позиција, во втората половина борбата се сведе на дуел меѓу Антонели и Норис. Ландо Норис заврши како втор со заостанување од 3.264 секунди. Неговиот тимски колега, Оскар Пијастри, го обезбеди последното место на подиумот по хаотичните последни два круга.

Најголем губитник во финишот беше Шарл Леклер. Возачот на Ферари се изврте на патеката, по што беше престигнат од Џорџ Расел, а во самиот целен правец и од Макс Верстапен. Верстапен успеа да стигне до петтото место, но останува под истрага од стјуардите поради прекршок при излезот од пит-стопот.

Колапинто повторно до бодови, нов крах за Астон Мартин

Франко Колапинто продолжи со одличните настапи за Алпин, завршувајќи на осмото место, додека Вилијамс прослави двоен успех со бодовите на Карлос Саинц (9-ти) и Алекс Албон (10-ти). Од друга страна, викендот беше за забораве за Астон Мартин и Кадилак, чии возачи завршија далеку од бодовите.

Трката ја одбележаа и четири откажувања, вклучувајќи ги Пјер Гасли и Исак Хаџар, кои предизвикаа излегување на безбедносното возило во почетните кругови.

Резултати од ГП на Мајами 2026:

1. Кими Антонели (Мерцедес)
2. Ландо Норис (Мекларен) +3.264s
3. Оскар Пјастри (Мекларен) +27.092s
4. Џорџ Расел (Мерцедес) +43.051s
5. Макс Верстапен (Ред Бул) +43.949s

Следете нè: Facebook | Instagram | X