Не стивнуваат импресиите од вчерашната вечер во Лигата на шампионите, а убедливо највозбудлива завршница имаше дуелот меѓу Бенфика и Реал Мадрид, каде младиот украински голман стана херој на Лисабон.
Во последните моменти од мечот, и покрај водството од 3-2 на Португалците, Бенфика беше во позиција на испаѓање од плеј-оф фазата поради неповолната гол разлика, а Реал се наоѓаше во сигурните топ 8 на самиот врв.
Но, тогаш се случи нешто нереално. Откако сите други 17 мечеви низ Европа веќе завршија, целиот фудбалски свет за момент застана и се сврте кон Лисабон. Сите очи беа вперени во последните секунди од дуелот меѓу учителот Мурињо и неговиот ученик Арбелоа. Жозе Мурињо ја доби информацијата дека му недостасува само еден гол за преживување, па во последен очајнички потег го испрати голманот Анатолиј Трубин напред. И тогаш, се случи невозможните – Трубин го постигна голот што им недостасуваше…
„Не сум ни свесен што направив. Постигнав гол… Тоа е нешто што го немам направено претходно, па искрено, не знаев ни како да изреагирам“, изјави младиот Украинец по мечот, сè уште во шок од сопствениот подвиг.
Spoke to Benfica goalkeeper Anatoliy Trubin after his historic goal. Asked him if he knew he needed to score 60 secs before he did. “I didn’t know, completely”.
— Archie Rhind-Tutt (@archiert1) January 29, 2026
And on what it’s like in his shoes right now? “Little bit difficult with war in our country, Ukraine.” @footballontnt pic.twitter.com/2bSdyYxCDC
Трубин признава дека на теренот играчите воопшто не биле свесни колку е критична ситуацијата, само 60 секунди пред тој да го постигне одлучувачкиот гол кој ја однесе Бенфика во плеј-офот, а го турна големиот Реал Мадрид надвор од елитното друштво.
„Целосно не бевме свесни. Момците ми покажуваа нешто со прстите, ми викаа ‘еден, еден’, но не разбирав што сакаат да кажат. Дури откако го добивме слободниот удар, сфатив дека е сериозно затоа што сите на теренот и од клупата почнаа хистерично да ми викаат ‘оди, оди, оди’. Кога стигнав во шеснаесетникот, само кратко прашав дали ни треба уште еден гол – и го дадов“, вели Трубин низ смеа.
„Мислам дека сè уште не можам да сфатам што се случуваше навистина, тоа беше лудо. Ова беше навистина важен гол за нас“, заклучи новиот миленик на навивачите на „Естадио да Луж“.
Овој гол не само што ја спаси сезоната за Мурињо, туку го приреди и најголемиот шок на табелата, испраќајќи го актуелниот шампион Реал Мадрид по потешкиот пат во елиминациската фаза.
"I did it and I don't know what to say actually…" 😂
— CBS Sports Golazo ⚽️ (@CBSSportsGolazo) January 28, 2026
Even goalkeeper Anatoliy Trubin is speechless after his winning goal to send Benfica through to the play-offs 🥲 pic.twitter.com/q7tfCtb9zK
