Дали тајната на успехот на Реал Мадрид е во дисциплината, или во слатките печива за појадок? Поранешната нутриционистка на „Кралевите“, Ицијар Гонзалес, излезе со шокантни тврдења за начинот на работа во медицинскиот тим на најтрофејниот европски клуб. Според нејзините зборови, модерната медицина и нутриционизам се судираат со едноставната логика: „Ние вака победуваме!“.
„Не менувај ништо или ќе те отпуштиме“
Гонзалес тврди дека се обидела да воведе промени во исхраната на фудбалерите, сугерирајќи дека печивата за појадок не се најдобрата опција за елитни спортисти. Одговорот што го добила од медицинскиот персонал бил зачудувачки.
„Се мора да остане исто. Не менувај ништо или ќе те отпуштиме. Ние освоивме 15 Лиги на Шампиони на овој начин“, ѝ рекле од клубот, фраза која според неа се слушала постојано во ходниците на Валдебебас.
Изолирана и платена да не работи
Ситуацијата станала уште побизарна кога ѝ било кажано буквално да не работи ништо. „Ми рекоа: ’Седи си во ќошот и земај плата за ништо. Не те сакаме тебе, ниту твојата работа. Гледај колку си среќна, заработуваш пари без да работиш’,“ раскажува Гонзалес.
Ex-Real Madrid nutrition specialist Itziar González: “I told the club’s medical staff that pastries for breakfast is not the best option, and they said: ‘Everything has to stay the same — don’t change or you’ll be sacked. We’ve won 15 Champions Leagues like this’ That’s a phrase you hear all time”
byu/GOAT-Antony insoccer
Таа тврди дека ѝ било забрането да контактира со играчите, а кога некој фудбалер ќе побарал нејзин совет, медицинскиот тим веднаш интервенирал и го прекинувал контактот.
Гонзалес поднесе тужба против клубот, но нагласува дека не бара пари, туку извинување и враќање на нејзиниот професионален углед, додавајќи дека имала одличен однос со претседателот Флорентино Перез и самите фудбалери.
Дали ова е ароганција на шампионите или застарени методи кои конечно излегуваат на виделина?
