Кратката, но бурна соработка помеѓу Стефанос Циципас и Горан Иванишевиќ заврши, но ехото од разделбата и понатаму одекнува во тенискиот свет.
По само два месеца заедничка работа, грчкиот тенисер го нарече поранешниот тренер на Ѓоковиќ “тиранин” и “диктатор”, обвинувајќи го за прекрути методи и премногу интензивни тренинзи.
Во интервју за хрватската телевизија, Иванишевиќ се осврна на изјавите и ги нарече “извадени од контекст”.
“Сè што реков, му го кажав и лично. Не зборував зад грб. Немаме лош однос, се слушнавме, си се заблагодаривме. Тој реши повторно да тренира со татко му, и искрено, мислам дека тоа е единствениот човек што навистина може да го води”, изјави хрватскиот стручњак.
Во приказната се вклучи и Патрик Муратоглу, кој остро го критикуваше пристапот на Иванишевиќ, тврдејќи дека направил сè спротивно од она што е потребно за да му помогне на Циципас.
Реакцијата на Иванишевиќ не изостана: “Ќе зборувам со него кога ќе се видиме. Ова сигурно не е правилниот начин за тоа. Ако има проблем со мене, нека ми се јави и нека ми каже што мисли. Јас не одам наоколу за да зборувам за него. Подобро да не кажам што мислам за него”.
“Јас не сум имал проблем со ниту еден друг тренер во мојот живот. Тренерите треба да се поддржуваат меѓусебно, а не да се расправаат меѓусебно на интернетот”, заврши Хрватот.
Иако Циципас и Иванишевиќ поминаа кратко време заедно, сагата околу нивната соработка сè уште трае и изгледа дека расправијата само што започнува.
Goran Ivanisevic on Patrick Mouratoglou comments regarding his criticism of Tsitsipas
“If he has a problem with me, he should call me. I don’t go around & talk what I think about him. I better not say what I think about him.” 💀💀💀💀
(via @achakv87)
— The Tennis Letter (@TheTennisLetter) July 29, 2025
