Елиф Елмас ја започна својата авантура со Наполи ова лето, но италијанскиот шампион се соочува со предизвици во адаптацијата на новите играчи. Антонио Конте поразот од ПСВ Ајндховен со 6-2 го оцени како сигнал дека тимот има “многу работа” да ја врати хемијата која го донесе Скудетото минатата сезона.
Наполи ова лето донесе девет нови фудбалери, а тоа значи дека Елмас, како и неговите нови соиграчи, треба да најдат своја улога и да се вклопат во динамиката на тимот.
Македонскиот репрезентативец настапи како заменик против ПСВ, покажувајќи дека Конте смета на него во средината на теренот, но и дека процесот на создавање синергија со останатите играчи ќе трае. Елмас, кој минатата сезона не доби минути во Лајпциг, сега има задача да се наметне во тим што ова лето драстично се промени, со многу нови лица кои треба да се усогласат со стилот на италијанскиот тренер.
Una notte da dimenticare, grazie per il vostro supporto.
— Official SSC Napoli (@sscnapoli) October 21, 2025
Tutti insieme per rialzarci subito! pic.twitter.com/pcCL5T5VbZ
Конте потенцира дека минатата сезона тимот со помал број играчи успеал да биде компактен и ефикасен, додека оваа сезона повеќето нови играчи значат подолг период на прилагодување. “Девет нови играчи беа премногу за мене, но моравме да ги донесеме”, изјави Конте, додавајќи дека не треба да се очекува веднаш совршена игра. Елмас е еден од седумтемина нови фудбалери кои настапија против ПСВ, и неговиот развој и прилагодување ќе бидат клучни за во наредните месеци за неговата иднина во Наполи.
Наполи сега има шест победи и четири порази во сите натпреварувања, а Елмас има можност да покаже дека може да биде стабилна врска во средината на теренот додека тимот се бори да ја врати формата од минатата сезона. Иако стартот на групната фаза во Лигата на шампионите беше тежок, македонскиот репрезентативец и неговите нови соиграчи се на прагот на можноста да создадат тим што ќе се врати на врвот и ќе ја повтори магијата од минатата сезона.
