Јокиќ гази кон четврта МВП титула: Дали трката е веќе решена?

Никола Јокиќ не само што го држи првото место на официјалната „NBA MVP Ladder’ листа, туку по спектакуларниот настап против Минесота на Божиќ, ја направи разликата меѓу него и останатите кандидати речиси недостижна.

Бројки од друга планета: 56 поени, 16 скока и 15 асистенции!

На најважниот датум во регуларниот дел од сезоната, „Џокерот“ испорача партија која влегува во историските книги. Против четирикратниот најдобар дефанзивец на лигата, Руди Гобер, Јокиќ постигна 56 поени, дополнети со 16 скока и 15 асистенции.

Тој стана првиот играч во историјата на НБА со учинок од 55+ поени, 15+ скока и 15+ асистенции на еден натпревар. Дополнително, Јокиќ постави нов рекорд на лигата со 18 постигнати поени во едно продолжение, со што го собори претходниот рекорд на Стеф Кари (17).

Иако гласањето нема да започне уште четири месеци, сепак многумина сметаат дека трката е веќе одлучена.

NIKOLA JOKIĆ WITH VIDEO GAME STATS ON CHRISTMAS DAY 🤯

🃏 56 PTS
🃏 16 REB
🃏 15 AST
🃏 2 BLK
🃏 4 3PM

THE FIRST 55/15/15 GAME IN NBA HISTORY 🚨 pic.twitter.com/8LPXlFWO6V

— NBA (@NBA) December 26, 2025

Лидер кога е најтешко

Денвер во моментов игра без тројца клучни стартери (Арон Гордон, Кристијан Браун и Камерон Џонсон), но тоа не го спречи Јокиќ да го предводи тимот до победа над еден од најголемите ривали на Западот. Неговата прецизност беше застрашувачка: 15-21 од поле и неверојатни 22-23 од линијата за слободни фрлања.

Моментална состојба во МВП трката:

1. Никола Јокиќ (Денвер) – Просек од 28.9 поени, 12 скока и 10.9 асистенции (трипл-дабл просек!).
2. Шеј Гилџес-Александер (Оклахома) – И натаму ефикасен, но со мал пад во тимската доминација.
3. Лука Дончиќ (ЛА Лејкерс) – Најдобар стрелец во лигата, но со променливи резултати на Лејкерси.
4. Џејлен Брансон (Њујорк) – Клучен во големите победи на Кникс.
5. Кејд Канингем (Детроит) – Изненадувањето на сезоната со лидерот на Истокот.

Статистика на Јокиќ за декември 2025:

Следете нè: Facebook | Instagram | X