Манчестер Јунајтед влегува во саботниот голем дуел со Челси на Олд Трафорд со значајни позитивни вести околу составот. Како што потврди тренерот Рубен Аморим на прес-конференцијата во Карингтон, во тимот се враќаат Мејсон Маунт и Матеус Куња, кои го пропуштија дербито со Манчестер Сити поради повреда.
“Маунт е во составот. Куња е во составот. Далот е надвор, Лича (Лисандро Мартинез) сè уште е повреден. Тоа е моменталната состојба”, изјави Аморим на конференцијата.
Диого Далот останува надвор од комбинација по проблемот со повредата со која се здоби на репрезентативните обврски со Португалија, а Лисандро Мартинез продолжува со рехабилитацијата по операцијата на коленото.
Постепено се враќа и Тајрел Малација, кој веќе тренира со У21 екипата на Јунајтед и наскоро би можел да биде во конкуренција за настапи во Премиер лигата.
In case you missed it, Ruben shared a squad update in Friday’s #PL press conference👇
— Manchester United (@ManUtd) September 19, 2025
Вести од таборот на Челси
“Сините” на Енцо Мареска сè уште се без пораз во Премиер лигата, но неделава беа совладани од Баерн Минхен со 3:1 на стартот од Лигата на шампионите. Рис Џејмс доби улога во средниот ред против Германците, но можно е повторно да се врати на својата позиција на десен бек.
Кол Палмер е целосно подготвен, постигна гол и одигра 90 минути против Баерн. Мареска најави дека размислува и за вклучување на Естевaо, кој е голем талент и може да покрие повеќе позиции во нападот.
“Естевaо и Палмер можат да играат и по крилата и зад напаѓачот. Среќен сум што ги имам двајцата”, изјави Мареска.
Се очекува и Алекс Гаpначо да добие шанса од првата минута против својот поранешен клуб.
Челси во овој меч ќе биде без Леви Колвил, Лиам Делап, Михајло Мудрик, Рахим Стерлинг и Аксел Дисаси.
