Годината која изминува дефинитивно му припаѓа на Усман Дембеле. Фантастичниот Французин ја освои наградата за Најдобар фудбалер во машка конкуренција, победувајќи ги Килијан Мбапе, Ламин Јамал и Рафиња.
За крилниот напаѓач на ПСЖ ова е „шлагот на тортата“ по освојувањето на „Златната топка“ во септември и историската прва титула во Лигата на шампионите за парискиот клуб.
„Среќен сум за сите индивидуални трофеи, но тимот е секогаш на прво место. Ја живеам мојата најдобра година“, изјави Дембеле при примањето на наградата.
الأسطورة كريستيانو يقدم جائزة غلوب سوكر إلى نوفاك ❤️ pic.twitter.com/dQ6nVHB4dP
— عالم القوت (@GOATTWORLD) December 28, 2025
Јамал со „хет-трик“ награди, Роналдо не запира ни на 40 години
Младата сензација на Барселона, Ламин Јамал, замина од Дубаи со дури три признанија: Најдобар напаѓач, Најдобар играч до 23 години во Ла Лига и престижната награда „Марадона“.
Од друга страна, Кристијано Роналдо покажа дека годините се само бројка. На својата 40-годишна возраст, тој беше прогласен за Најдобар играч на Блискиот Исток.
„Сакам да продолжам. Знаете која е мојата цел и бројката до која сакам да стигнам. Сигурно ќе успеам“, порача Португалецот, алудирајќи на границата од 1.000 голови.
Средба на титаните: Роналдо и Ѓоковиќ на иста сцена
Највпечатливиот момент на вечерта беше воведувањето на новата награда – Globe Sports Award, која му припадна на тениската легенда Новак Ѓоковиќ. Признанието на српскиот ас му го врачи лично Кристијано Роналдо, што предизвика овации во салата.
Вечерта помина и во емотивен тон кога беше доделена специјална постхумна награда за починатиот фудбалер на Ливерпул, Диого Жота, која во негово име ја примија неговите родители.
Следете нè за сите вести од светскиот спорт: Facebook | Instagram | X
