Изминатиот викенд полската тенисерка Ига Швјонтек за прв пат во кариерата го освои трофејот на престижниот тениски турнир Вимблдон.
За време на турнирот таа на неколку наврати ги насмеа и изненади фановите со изборот на своето омилено јадење, кое во најмала рака е невообичаено. Станува збор за тестенини со јагоди, а самата тенисерка се пошегува дека сигурно ќе ги налути Италијаните со таквиот рецепт.
Сега на шегата се приклучи и популарниот бренд на коцки “LEGO”, кој сè почесто почна да се појавува и во светот на спортот.
Тие на победничката на Вимблдон и испратија персонализирана јагода направена од 3,000 лего коцки во чест на освоената титула и нејзината љубов за тестенините со јагоди.
LEGO gifted Iga Swiatek a special strawberry made of 3000 bricks in honor of her Wimbledon title & her love for strawberry pasta.
Iconic.
(via LEGO Poland IG)
— The Tennis Letter (@TheTennisLetter) July 16, 2025
