Лоши вести пристигнуваат од таборот на Лос Анџелес Лејкерс пред вечерашниот голем дуел против Феникс Санс. Првата ѕвезда на тимот, Лука Доничиќ, официјално е надвор од стројот поради повреда на левата нога, потврдија од медицинскиот тим на клубот.
Повредата, која е дијагностицирана како силна контузија на потколеницата, се случи за време на саботниот натпревар против екипата на Клиперс. Доничиќ доби силен удар со колено во пределот на листот од страна на Богдан Богдановиќ уште во првата четвртина од натпреварот.
На вчерашниот тренинг на екипата, словенечкиот репрезентативец се појави со заштитна пресметка на мускулот, а тренерот Џеј-Џеј Редик потврди дека нема да се ризикува со негов настап против „Сонцата“. Според зборовите на Редик, дијагнозата е јасна, а состојбата на Доничиќ ќе се следи секојдневно. Ова е вторпат оваа сезона словенечкиот кошаркар да паузира поради истата причина, откако пропушти три натпревари на самиот почеток на шампионатот.
Тимот на Лејкерс минува низ исклучително тежок период кога се во прашање повредите. На претходниот натпревар, Леброн Џејмс беше единствениот стартер кој беше целосно здрав и способен да го заврши мечот. Сепак, стручниот штаб добива и одредени позитивни вести пред вечерашното соочување. Центарот Деандре Ејтон е подготвен за враќање на теренот против својот поранешен клуб откако ја санираше повредата на лактот. Остин Ривс исто така учествуваше во дел од тренинзите и неговиот статус е под знак прашалник, што остава надеж за негово враќање во составот.
Од друга страна, покрај отсуството на Доничиќ, надвор од ротацијата остануваат и Руи Хачимура поради проблеми со препоните и Гејб Винсент кој се соочува со повреда на грбот. Пред Леброн Џејмс и остатокот од тимот е тешка задача да го сопрат Феникс без својот најдобар стрелец и асистент.
