Во пресрет на утрешното финале од Светското клупско првенство, помеѓу двата европски гиганти ПСЖ и Челси, Луис Енрике со внимателна изјава го најави мечот.
И покрај доминантната победа од 4:0 во полуфиналниот меч против Реал Мадрид, сепак од ПСЖ се воздржани кога станува збор за нивниот противник во финалето.
“Челси е клуб кој е многу сличен на нас. Ова ќе биде многу тесен натпревар против физички многу силен тим”, изјави Луис Енрике пред новинарите.
“Навистина ми се допаѓа Енцо Мареска и начинот на кој игра неговиот тим. Тие се технички многу добри индивидуалци и кога треба да се бранат, го прават тоа со пресинг. Тие се многу слични на нас”, додаде тој.
Финалето е закажано за утре од 21 часот, а доколку сакате да го гледате бесплатно на стриминг сервисот “DAZN”, можете да го погледнете нашиот детален водич тука.
