ФА Купот уште еднаш покажа зошто е најмагичното фудбалско натпреварување на светот. Шестолигашот Маклсфилд приреди една од најголемите сензации во историјата, елиминирајќи го актуелниот бранител на трофејот и премиерлигаш, Кристал Палас, со резултат 2:1.
На стадионот „Мос Роуз“, тимот предводен од Џон Руни (братот на Вејн Руни) испиша историја. Маклсфилд стана првиот нелигашки тим по 117 години што го исфрлил актуелниот шампион во ФА Купот!
Храбрите домаќини не се исплашија од ѕвездите
Иако Палас настапи со комбиниран, но силен тим (вклучувајќи ги Гехи, Вортон, Пино), домаќините поведоа пред крајот на првото полувреме. Капитенот Пол Досон со глава погоди за 1:0 во 43-тата минута, најавувајќи го чудото.
Во вториот дел, наместо да се повлечат, „Свилените“ (прекар на Маклсфилд) зададоа нов удар. Исак Бакли-Рикетс во 60-тата минута ја удвои предноста на 2:0, фрлајќи ги во очај гостите од Лондон.
NON-LEAGUE MACCLESFIELD HAVE KNOCKED OUT THE REIGNING FA CUP CHAMPIONS CRYSTAL PALACE 😱
— ESPN FC (@ESPNFC) January 10, 2026
THE MAGIC OF THE CUP 🍿 pic.twitter.com/ItyLhjAaNz
FA Cup holders Crystal Palace crash out after losing 2-1 to 6th-tier Macclesfield FC, the lowest-ranked team left in the tournament.
— B/R Football (@brfootball) January 10, 2026
It’s the first time since 1909 the holders have been knocked out by a non-league side.
SIMPLY. HEROIC.
✨🤯 pic.twitter.com/haDE7jMQNT
HISTORY IS MADE! 🤩
— Football on TNT Sports (@footballontnt) January 10, 2026
Sixth-tier side Macclesfield FC knock FA Cup holders Crystal Palace out of the competition! 😳
📺 @tntsports & @discoveryplusUK pic.twitter.com/dz0wIxT3qH
Доцна драма, но славје за историја
Кристал Палас притисна до крајот, а Јереми Пино со прекрасен слободен удар намали на 2:1 во 90-тата минута. Сепак, тоа беше сè што успеаја да направат. Последниот судиски свиреж означи почеток на масовна инвазија на теренот од страна на домашните навивачи.
„Мислев дека бевме неверојатни од првата минута. Кога поведовме со 2-0, не го очекував тоа, но мислам дека бевме заслужени победници“, изјави гордиот тренер Џон Руни по мечот.
