Македонската репрезентација до 16 години во средината на овој месец ќе отпатува за Малта, каде ќе одигра два пријателски натпревари против домашната селекција. Селекторот Иљами Исејни ги повика најдобрите млади фудбалери за овие проверки, кои се закажани за 14 и 16 февруари.
За овие средби Исејни ќе смета на вкупно 21 играч, меѓу кои се наоѓаат и неколку интернационалци од Србија, Швајцарија и Словачка.
Повикани фудбалери:
- Голмани: Димитар Петров (АП Брера), Илан Мемети (Лозана, Швајцарија).
- Одбрана: Ејсер Фетаи (Арсими), Филип Ѓорѓиоски (Вардар), Адриан Велески (Вардар), Михајло Павлов (Црвена Звезда, Србија), Илија Аксентиев (Македонија Ѓ.П.), Амар Акики (Шкендија), Митко Стојанов (АП Брера).
- Среден ред: Далибор Марковиќ (Македонија Ѓ.П.), Џихан Ибраими (Вардар), Боби Недановски (Пелистер), Александар Полимац (ИМТ, Србија), Марин Крстевски (Црвена Звезда, Србија), Огнен Сивевски (Македонија Ѓ.П.), Благојче Седлоски (Скопје), Матеј Бочески (Македонија Ѓ.П.), Дардан Адеми (Арсими).
- Напаѓачи: Ефе Раифи (Арсими), Матеј Николов (Вардар), Медин Емини (Кошице, Словачка).
Овие натпревари ќе послужат како одлична можност за селекторот да ја провери формата на младите надежи и да го искристализира составот за претстојните квалификациски предизвици.
