Сè почна како мала внатрешна шега на почетокот на летото. Кога извршните директори на Барселона приватно зборуваа со новинарите, уверуваа дека пропуштањето на новото Светско клупско првенство во САД можеби и не е толку лоша работа. “Ќе имаме вистински одмор, нема да се умориме како другите”, рекол еден од нив. “Следната сезона тие ќе пукнат од повреди”.
Неколку месеци подоцна, токму Барселона е таа што пука по шавовите.
Пред Ел Класико на 26 октомври, тимот на Ханси Флик се соочува со вистинска катастрофа од повреди со деветмина играчи надвор од стројот, седуммина од нив клучни за германскиот тренер.
Одмор? Да. Но, по која цена?
Најновата жртва е Роберт Левандовски. Полјакот се повреди оваа недела и ќе паузира најмалку еден месец, што значи дека ќе го пропушти дуелот со Реал Мадрид на “Сантијаго Бернабеу”. Пред него, со слични проблеми се соочи целиот напаѓачки ред: Дани Олмо и Феран Торес со мускулни повреди, Рафиња со истегнат мускул, а младиот Ламин Јамал повторно се мачи со препоните.
На тоа додајте ги операциите на Марк-Андре тер Штеген и Гави, кој повторно се соочи со повреда на коленото и ќе отсуствува речиси половина сезона. Дури и резервниот голман Жоан Гарсија заврши под нож поради менискусот.
Getting ready for #BarçaGirona 🔥 pic.twitter.com/kVtbfxkX9a
— FC Barcelona (@FCBarcelona) October 15, 2025
“Не знаеме што се случи”
Извори од соблекувалната, кои остануваат анонимни, во изјави за реномираниот “The Athletic” признаваат дека никој не очекувал ваков колапс. Барса имала цела претсезона, турнеја во Јужна Кореја и Јапонија, без преголем напор. Тренерите велат дека им даваат одмор кога е потребно.
Некои повреди, како на Гави или Гарсија, се чиста несреќа. Но мускулните? Таму веќе се поставуваат прашања. Еден член од стручното лице признава:
“Имаме мал ростер. Кога ќе изгубиш неколкумина, немаш кого да ротираш. А кога нема ротација, доаѓаат нови повреди”.
❗𝗠𝗘𝗗𝗜𝗖𝗔𝗟 𝗡𝗘𝗪𝗦
Robert Lewandowski has suffered a muscle tear in the biceps femoris of his left thigh.His recovery time will depend on how the injury evolves. pic.twitter.com/oMA9stH1s6
— FC Barcelona (@FCBarcelona) October 14, 2025
Минатата сезона – тренинг во натпревар
Минатата сезона Барса по ова време имаше четири поени предност пред Реал и често ги контролираше натпреварите. “Во некои мечеви беше како да тренираме”, вели еден играч.
Сега ситуацијата е спротивна, а секој меч е борба до последна секунда. Тимот мораше да се враќа по резултат против Леванте, Овиедо и Реал Сосиедад, а поразите од ПСЖ и Севиља само ја зголемија тензијата. Кога нема простор за одмор, телото прво реагира.
Светлина во тунелот?
Постои и малку добра вест – Јамал, Фермин Лопез и Торес би можеле да се вратат уште овој викенд против Џирона. Но останатите, меѓу нив и Левандовски, речиси сигурно ќе го пропуштат Ел Класико.
Ханси Флик, кој пред само неколку недели зборуваше за “недостиг на интензитет”, сега мора да ја најде енергијата со половина состав.
