Неделното супердерби на „Етихад“ повторно го носи најголемиот судир на модерната Премиер лига: Манчестер Сити против Ливерпул. Осум титули во последните осум години ги делат само овие два клуба, а нивното ривалство веќе одамна ја надмина класичната борба за бодови, станувајќи борба за идеологија, за стил, за совршенство.
Халанд и „новиот“ Сити: Дали може да се сопре норвешката машина?
Ерлинг Халанд повторно е ѕверот кој сите го очекуваа. Со 13 погодоци во првите 10 кола, Норвежанецот ја предводи обновената армија на Пеп Гвардиола, која изгледа постабилно, пострпливо и потактички зрело од лани. Според „The Athletic“, Гвардиола би можел свесно да му препушти повеќе топка на противникот, нешто некарактеристично за него, но корисно за да го отвори просторот зад високата линија на Ливерпул.
Во средниот ред Нико Гонзалес е откритието на сезоната, а Бернардо Силва и Фил Фоден се очекува да бидат моторите на поседот. Прашањето е дали Пеп ќе ризикува со Рајан Черки, францускиот талент кој полека се адаптира на Англија, но кој со својата креативност може да биде „џокер“ од клупата. Черки веќе има шест гола и асистенции во само 280 минути сезонава, па не е чудо што се најде во фокусот пред ова дерби.
Ливерпул повторно со идентитет: Слот го најде вистинскиот рецепт
Од другата страна, Арне Слот конечно ја врати рамнотежата. Победите над Реал Мадрид и двата последни триумфи во Премиер лигата го подигнаа тимот, а враќањето на Енди Робертсон и обновената тројка во средниот ред, Гравенберх, Мак Алистер и Собослаи, изгледаат како стари добри времиња под Клоп.
Слот размислува дали да остане со системот 4-2-3-1 или да го повтори изненадувањето од минатата сезона со 4-2-4. Новодојдениот Хуго Екитике би можел да почне во нападот, додека Флоријан Вирц може да добие слободна улога зад него – токму онаа што ја имаше против Реал Мадрид.
Клучните дуели: Салах против О’Рајли, Фоден против Робертсон
Нема дилема кој е најголемата закана – Мохамед Салах. Египќанецот е повторно во форма и ќе го тестира 19-годишниот Нико О’Рајли, кој стана изненадувачки стандарден лев бек за Сити. На спротивниот крај, Фил Фоден повторно добива слобода во централна зона и ќе бара начин да ја искористи нестабилната дефанзива на „црвените“.
Според „The Athletic“, двата тима влегуваат во дербито со јасно дефинирани предности:
- Сити има повеќе начини да создава и завршува напади, а Халанд е немилосрден кога добива простор.
- Ливерпул, пак, е психолошки подготвен и повторно верува во својот идентитет. Но слабоста останува – одбраната при прекини.
Прогнози
Џордан Кемпбел (City reporter): „Халанд е во ѕверска форма. Сити има повеќе варијанти во нападот и доволно длабока клупа. Очекувам отворен меч со голови од двете страни, но квалитетот на Сити ќе преовлада“.
Прогноза: Манчестер Сити 2–1 Ливерпул.
Анди Џоунс (Liverpool reporter): „Ливерпул нема да изгуби четврто гостување по ред, но победа на Етихад е редок подвиг. Сепак, тимот изгледа повторно жив“.
Прогноза: Нерешено 2–2.
Заклучок:
Халанд против Салах. Гвардиола против Слот. Два клуба што веќе една деценија го диктираат ритамот на англискиот фудбал. Овојпат, не станува збор само за бодови, туку за психолошка предност во трката за титулата што, каде овие два гиганти повторно ќе се борат за врвот.
Дербито започнува во 17:30 денес. Подгответе се за уште едно поглавје во најголемото модерно ривалство на Премиер лигата.
