Енцо Мареска конечно може да здивне. Челси влегува во празничниот период со значително засилен ростер, откако италијанскиот тренер потврди дека двајца клучни офанзивци се враќаат во стројот за саботниот дуел против Астон Вила.
Бразилското чудо и „разорувачот“ повторно на располагање
Најголемата вест за навивачите на „Стемфорд Бриџ“ е враќањето на 18-годишниот бразилски суперталент Естевао. Младиот ас ги пропушти последните два натпревари поради мускулна повреда, но сега е подготвен да ги продолжи своите магични настапи (5 гола во деби сезоната).
Покрај него, Мареска го добива назад и Лијам Делап. Напаѓачот кој пристигна летово од Ипсвич беше надвор од терените на последните пет натпревари поради незгодна повреда на рамото.
„И Естевао и Лијам Делап се вратија. Не знаевме точно колку Лијам ќе биде отсутен, но тој е тука за сабота и среќни сме што ги имаме двајцата на располагање“, изјави задоволниот Мареска.
Палмер е „машината“ која повторно работи со 100%
Како дополнителен бонус за Челси, Мареска откри дека првата ѕвезда на тимот, Кол Палмер, конечно е во физичка состојба да издржи цел натпревар. Палмер сезонава мака мачеше со повреди на препоните и палецот, ограничувајќи се на само осум настапи.
„Прогресијата кај Кол е евидентна. Играше 60 минути против Евертон, па повеќе од 70 против Њукасл. Се чувствува добро и мислам дека сега е подготвен за полни 90 минути“, додаде тренерот на Челси.
Со овие повратници, Челси ќе се обиде да ја намали предноста на лидерот Арсенал, од кого во моментов заостануваат 10 бодови на четвртата позиција.
