По месеци во кои се зборуваше за новите правила, батериите и моторите, патеката конечно го даде својот одговор. Мерцедес е тимот кој најдобро се снајде во хаосот на првата трка, обезбедувајќи максимални бодови благодарение на храбрата стратегија со само едно застанување во боксот. Џорџ Расел стигна до својата шестта победа во кариерата, додека дебитантот Кими Антонели потврди дека е супер-талент освојувајќи го второто место.
This is how the frantic race start unfolded in Albert Park! 🙌💨#F1 #AusGP pic.twitter.com/2vRc65bD7d
— Formula 1 (@F1) March 8, 2026
Луд старт и седум промени на лидерот
Трката започна со „експлозија“ на Ферари. Шарл Леклер, кој стартуваше од четвртата позиција, изведе совршен маневар и изби на чело уште во првиот свиок. Она што следеше во првите десет круга беше вистинско уживање за фановите – дури седум пати се менуваше возачот на првата позиција во директни дуели меѓу Леклер и Расел. Луис Хамилтон, во своето прво појавување за Ферари, исто така беше во игра, пробивајќи се до третото место уште во првиот круг.
Стратешката војна под Виртуелно возило за безбедност
Клучниот момент се случи кога болидот на Исак Хаџар од Ред Бул откажа на патеката, што предизвика Виртуелно возило за безбедност (VSC). Мерцедес веднаш реагираше и ги повлече двајцата возачи на замена на гуми, додека Ферари донесе одлука да остане на патеката. Хамилтон преку радио не го криеше незадоволството од одлуката на својот нов тим, сметајќи дека барем еден од возачите на Скудерија требало да влезе во бокс.
Кога Леклер и Хамилтон конечно ги направија своите застанувања, излегоа далеку зад двоецот на Мерцедес. Иако имаа посвежи гуми во финишот, тие не успеаја да направат доволен притисок врз Расел и Антонели, кои мајсторски ја сочуваа предноста до самиот крај.
Херојско враќање на Верстапен и кошмар за Пјастри
Макс Верстапен ја покажа својата класа откако по лошите квалификации стартуваше од последната, 20-та позиција. Со агресивно возење и многу претекнувања, трикратниот шампион успеа да стигне до шесттото место, веднаш зад Ландо Норис од Мекларен.
Најголемото разочарување го доживеа домашниот миленик Оскар Пијастри. Австралиецот излета од патеката уште во кругот за загревање, оштетувајќи го својот болид, со што ги уништи шансите воопшто да ја започне трката пред своите навивачи.
Oscar Piastri has crashed and is OUT of the Australian Grand Prix before it begins 😮#F1 #AusGP pic.twitter.com/5prGby7dNC
— Formula 1 (@F1) March 8, 2026
Бодови за дебитантите и новите тимови
Првата трка во 2026 година донесе историски моменти и за новите имиња. Арвид Линдблад ги освои своите први бодови на дебито за тимот на Расинг Булс (8-мо место), додека Габриел Бортолето му ги донесе првите бодови на Ауди во нивната прва трка како фабрички тим (9-то место). Серхио Перез успеа да ја заврши трката за новиот американски тим Кадилак на 16-то место, додека неговиот тимски колега Валтери Ботас мораше да се повлече поради дефект.
Резултати ГП Австралија 2026:
