Кога по четвртото коло во Лигата на шампионите Бенфика немаше ниту еден освоен бод и беше закована на последното место на табелата, Жозе Мурињо беше мета на потсмев кога новинарите го запрашаа дали „сè уште верува“.
„Специјалниот“ тогаш кратко одговори: „Да, верувам. Сè уште сме во игра“.
Синоќа, по завршувањето на осмото коло, Бенфика не само што е „во игра“, туку се пласираше во плеј-оф фазата по една од најлудите ноќи во историјата на „Естадио да Луж“. Спектакуларниот гол на голманот Анатолиј Трубин во 98-та минута против Реал Мадрид го изненади дури и самиот Мурињо.
На прашањето дали во сите овие децении поминати во врвниот фудбал некогаш видел вакво нешто, Жозе низ својата препознатлива насмевка одговори: „За мене обично сè е дежа ву, но ова беше прв пат!“.
Jose Mourinho has seen a lot in football but not this.
— Archie Rhind-Tutt (@archiert1) January 29, 2026
In the tunnel after the game, I saw him walk up to Dean Huijsen. He summed up the game well by saying: “F****** hell.”
Here is the SLB coach explaining to us on @footballontnt the madness of Benfica 4-2 Real Madrid. pic.twitter.com/yzAZIhjHDD
Сепак, португалскиот стратег откри дека патот до оваа победа бил проследен со огромна драма и конфузија на самата клупа, бидејќи информацијата дека резултатот 3:2 не е доволен пристигнала предоцна.
„Кога ги заменив Антонио Силва и Фрањо Ивановиќ, немав ни претстава дали 3:2 ни е доволно. Им кажав на играчите само да го задржат водството и победата. Дури подоцна сфативме дека тоа не е доволно. Бидејќи веќе немав замени, го пратив Нико (Отаменди) да игра напред како шпиц. Кога беше досуден фаулот, му викнав на Трубин да оди напред, а на Дал му реков да остане на средина за секој случај. Победувањето секогаш ќе биде важно, ова е историска вечер!“, изјави Жозе за „ESPN“.
За својот нов херој меѓу стативите, Трубин, Мурињо имаше само пофални зборови: Знаев дека може да го направи тоа. Пред неколку недели имавме меч во кој губевме од Порто, во последните моменти тој отиде напред и за малку не постигна гол. Знаев дека големиот дечко е способен за нешто вакво!“.
“When I made the last changes, I was told [that] is enough, so let’s close the door… Then they tell me we need one more goal, but I cannot make more changes.” 😱
— CBS Sports Golazo ⚽️ (@CBSSportsGolazo) January 28, 2026
José Mourinho reflects on the madness of Benfica’s insane finish as they qualify for the #UCL knockout playoffs 😅 pic.twitter.com/qoIa7Iet8N
Со овој триумф, Мурињо уште еднаш го потврди својот статус на „Специјален“, испраќајќи порака до цела Европа дека Бенфика никогаш не треба да се отпише.
JOSÉ MOURINHO'S REACTION AFTER THE MOMENT!🤯pic.twitter.com/1FykRIU9W9
— IM🇵🇹 (@Iconic_Mourinho) January 28, 2026
