Најдобриот британски тенисер, кој е рангиран на петтото место на АТП листата вечерва објави дека се откажува од својот понатамошен настап на Отвореното првенство во Њујорк.
“Жал ми е што морам да ви кажам дека се повлекувам од УС Опен. Дадов сè од себе да бидам тука, но повредата на раката почна да станува премногу проблематична, па морам да го направам она што е правилно и да внимавам на себе. Ви благодарам за поддршката”, напиша тенисерот вечерва на социјалните мрежи.
Hi guys, I’m sorry to say I’ll be withdrawing from the US open. I tried my very best to be here and give myself the every chance to play but the discomfort in my arm has become to much and I have to do what is right and look after myself. Thank you for all the support.
— jack draper (@jackdraper0) August 27, 2025
Дрејпер требаше вечерва да го одигра натпреварот од втората рунда против Жижу Бергс, но поради откажувањето Берг службено го доби мечот и отпатува во третото коло.
Минатата година тој играше во полуфиналето на турнирот во Њујорк, а оваа година очекувањата и надежите на британските и светските фанови беа срушени уште по завршувањето на првиот круг.
