Изминатата ноќ во НБА лигата донесе неверојатни резултати, огромни бодовни разлики и индивидуални мајстории кои долго ќе се прераскажуваат.
Вембањама пресилен за „келтите“ во Бостон (95:100)
Виктор Вембањама уште еднаш докажа зошто е најголемиот феномен во кошарката. Иако имаше бавен старт, младиот Французин постигна 16 од своите 21 поен во второто полувреме, вклучувајќи го и клучниот „фејдавеј“ шут на 19 секунди пред крајот за победа на Сан Антонио.
Де’Аарон Фокс исто така блескаше со 21 поен и девет скока, додека Келдон Џонсон додаде 18 поени и 10 скока. Спарс ја забележаа втората последователна победа по кратката серија од два порази.
Кај Бостон, Дерик Вајт одигра одличен натпревар со 29 поени, а Џејлен Браун додаде 27, но Селтикс го запишаа само третиот пораз во последните 12 натпревари.
Офанзивна „експлозија“ во Кливленд (146:134)
Кливленд Кавалирс одиграа еден од најефикасните натпревари во историјата на франшизата, постигнувајќи 146 поени против Минесота. Донован Мичел со 28 поени ја предводеше екипата во која дури пет играчи постигнаа над 20 поени. Сем Мерил влезе во историјата како првиот играч на Кавс со најмалку пет тројки на четири последователни натпревари.
Кавалирс имаа дури пет играчи со најмалку 20 поени – Евaн Мобли постигна 24, Џејлон Тајсон 23 од клупата, а Дариус Гарланд додаде 22. Сем Мерил влезе во историјата на клубот со најмалку пет тројки на четири последователни натпревари.
146 поени се четвртиот најдобар офанзивен учинок на Кливленд во регуларен натпревар во историјата на франшизата.
Индијана го прегази Мајами без милост (123 – 99)
Индијана Пејсерс доминираа од првата до последната минута против Мајами Хит. Ендру Нембхард одигра натпревар за паметење со 29 поени и девет асистенции, а Индијана без многу мака го декласираше Мајами. Мајами имаше очајна шутерска ноќ (само 39% од поле), а клучна беше првата четвртина која Индијана ја доби со убедливи 36-18.
Пејсерс ниту еднаш не беа во негатива, рано изградија двоцифрена предност и погодија 17 тројки. Мајами шутираше слаби 39,1% од поле и ги промаши првите 11 обиди за три поени.
Тајлер Хиро постигна 21 поен, но Хит никогаш не успеаја сериозно да се вратат во натпреварот.
Кавај и Клиперс со неверојатен пресврт во Детроит (98 – 92)
Кавај Ленард со 26 поени и Џон Колинс со 25 беа клучни во големиот пресврт на Лос Анџелес Клиперс, кои надоместија минус од 19 поени и славеа во Детроит.
Клиперс го завршија натпреварот со серија 28-8, искористувајќи ги бројните грешки на ослабените Пистонс, кои настапија без неколку клучни играчи.
Чикаго го искористи хаосот во Далас (125:107)
Чикаго Булс ја прекинаа црната низа со победа над Далас, кој е во сериозна криза. Покрај отсуството на повредениот Ентони Дејвис, Далас го загуби и тренерот Џејсон Кид уште во првата четвртина поради исклучување.
Коби Вајт (22) и Ајо Досунму (20) ја предводеа екипата на Чикаго до убедлива победа над Далас и прекин на серијата од три порази.
Булс имаа седум играчи со двоцифрен учинок и доминираа во транзиција со неверојатни 38-8 поени од контранапади. Кај Далас, младата ѕвезда Купер Флаг имаше тешка вечер со само 11 поени.
Демолирање во Солт Лејк Сити: Шарлот со +55! (150 – 95)
Најневеројатниот резултат на вечерта дојде од Јута, каде Шарлот Хорнетс остварија историска победа од 55 поени разлика. Хорнетс погодија 16 тројки уште во првото полувреме и водеа со дури 57 разлика во текот на мечот. Тре Мен постигна 20 поени за само 12 минути, оставајќи ја публиката во Јута во целосен шок.
Јута настапи без Лаури Марканен и Јусуф Нуркиќ и немаше одговор на шутерската рапсодија на гостите.
