Ако некогаш сте се запрашале кое е најнеочекуваното дуо на сопственици на фудбалски тим, сигурно ни во најлудите мисли не би ви текнало на раперот Снуп Дог и хрватската фудбалска легенда Лука Модриќ.
Но, според последната најава на раперот, тој стана ко-сопственик на Свансеа Сити, клуб каде претходно во април ко-сопственик стана и славниот Лука Модриќ.
Свансеа Сити е клуб кој се натпреварува во Втората англиска лига, но со новата инвестиција на раперот од 190 милиони долари, клубот ќе цели да се пробие до Премиер лигата.
53 годишниот рапер веќе го најави новиот дрес на клубот, а според изјавата на клубот Снуп Дог бил голем љубител на фудбалот, па со задоволство ја прифатил новата улога на ко-сопственик, рамо до рамо со Модриќ.
За да го прослават доаѓањето на Снуп Дог во тимот, од клубот го открија и муралот посветен на него, дело на уметникот Хасан Камил, кој се наоѓа на Западната трибина на стадионот.
“Мојата љубов кон фудбалот е веќе добро позната. Но, приказната за клубот и градот навистина ме импресионираа. Нефаворизиран клуб кој се бори и гризе напред. Исто како мене”, изјави раперот.
Coming to a hood near you #YJB pic.twitter.com/YamLKTHQ6C
— Swansea City AFC (@SwansOfficial) July 12, 2025
