Уште две репрезентации вечерва го потврдија своето место на Светското првенство во 2026 година. Јужна Африка, по долга пауза од 16 години, повторно ќе биде дел од најголемиот фудбалски собир, додека азискиот првак Катар го завери својот пласман со победа во директниот дуел против Обединетите Арапски Емирати.
Враќање на “Бафана Бафана”: Јоханесбург повторно слави
Јужна Африка се враќа на светската сцена! Репрезентацијата предводена од селекторот Хуго Брос, со убедлива победа од 3:0 над Руанда, го обезбеди првото место во една од најнеизвесните групи во африканските квалификации, оставајќи ги зад себе Нигерија и Бенин.
Ова е крај на долгата, 16-годишна суша за нацијата која беше домаќин на незаборавниот Мундијал во 2010 година. Победата предизвика огромна радост во Јоханесбург, каде што илјадници навивачи го прославија враќањето на “Бафана Бафана” меѓу фудбалската елита. Новата генерација, предводена од играчи како Перси Тау и Лајл Фостер, сега ќе има шанса да испише нова историја и за првпат да ја помине групната фаза на едно Светско првенство.
Here is that beauty from Appollis!!
Visuals Courtesy of @SABC_Sport pic.twitter.com/EoyHCsXEVB
— Bafana Bafana (@BafanaBafana) October 14, 2025
That Mbatha goal!! pic.twitter.com/Ru72g1t93C
— Bafana Bafana (@BafanaBafana) October 14, 2025
Makgopa!!!! He makes no mistake!!
Visuals Courtesy of @SABC_Sport pic.twitter.com/xsOp3Evql3
— Bafana Bafana (@BafanaBafana) October 14, 2025
Катар докажа дека не е само “домаќин”
Актуелниот азиски шампион, Катар, докажа дека нивниот подем не е случаен. Во директен дуел за пласман на Мундијалот, тие на домашен терен ги совладаа Обединетите Арапски Емирати со 2:1.
Натпреварот беше решен во второто полувреме, со головите на Буалем Куки и Педро Мигел, и двата по асистенција на најдобриот играч, Акрам Афиф. Гостите успеаја само да го ублажат поразот во судиското продолжение.
Ова е втор последователен пласман за Катар на Светските првенства, но првпат тоа да го направат преку квалификации, а не како домаќини. Овој успех е потврда за долгорочната визија и огромните вложувања во фудбалот во оваа земја, која сега со право се смета за една од најголемите сили во Азија.
Big celebrations at Jassim bin Hamad Stadium as Qatar beat the UAE to book their World Cup spot. Goals from the experienced Boualem Khoukhi & Pedro Miguel. Both assists from Akram Afif. Sebastián Soria made his first appearance for Qatar since 2017! pic.twitter.com/4FxUSUs7w4
— Mohamed El Gharbawy (@Gharbawy) October 14, 2025
