Со отворањето на сезоната во Премиер лигата, навивачите на Евертон имаа можност за прв пат да го гледаат својот тим на новиот Хил Дикинсон стадион. Клубот се пресели во својот нов дом после 133 години на стариот Гудисон Парк.
Проектот вреден 800 милиони фунти, претставува еден од најимпресивните модерни стадиони во Англија. Иако не е најголем, тој сепак има квалитети кои го ставаат на самиот врв на листата на најдобри во лигата.
Сместен покрај вода, во историското пристаниште Брамли-Мур, стадионот во Ливерпул е вистинско архитектонско ремек-дело. Неговиот дизајн влече инспирација од индустриската историја на градот, а градбата е спој на модерна архитектура со проткаена традиција на старите индустриски градби.
Spirit of the Blues pic.twitter.com/a1Kbzd2ula
— Patrick Boyland (@Paddy_Boyland) August 24, 2025
Американскиот архитект Ден Мејс, кој присуствуваше и на првиот натпревар на Евертон на неговото дело, вели дека сакал да ја задржи атмосферата од Гудисон Парк и на новиот стадион. Иако неговиот наследник е далеку помодерен од Гудисон Парк, сепак тој е изграден за да го задржи звукот, слично на својот претходник.
Со ова, новиот стадион на Евертон стана и најгласниот стадион во Премиер Лигата. На мечот за отворањето, биле измерени неверојатни 111 децибели за голот на Ендаје.
Ваквото задржување на звук е постигнато со стрмните трибини, па чувството е практично како играчите да се на теренот. Со капацитет од 52.769 седишта, можете само да ја замислите атмосферата на ваквата градба. Архитектот ја дизајнирал Јужната трибина под агол од 34.99° степени, а легалната граница е 35°. Металниот покрив е осмислен исто така во таа насока, а предвидено е тој да го одбива звукот и да го враќа назад на теренот.
Everton’s new $1 billion stadium is officially the loudest in the Premier League, hitting 126 decibels on Sunday.
Despite being the league’s 7th largest stadium, Everton accomplished this through a unique design trick.
The seats sit at a 35-degree angle — the maximum allowed by… pic.twitter.com/ModSHBXY3c
— Joe Pompliano (@JoePompliano) August 26, 2025
Стадионот вклучува многу модерни капацитети. На плоштадот пред главниот влез навивачите може да си наточат пиво од автоматските машини или да си земат нешто за јадење од бројните целосно автоматизирани киосци.
Тој е изграден да биде самоодржлив, а вклучува план за искористување на енергијата од сонцето, ветрот и дождовницата, со цел да се користи само 100% чиста енергија.
Everton’s new stadium on the banks of the River Mersey is ready for its first Premier League match.@Paddy_Boyland went behind the scenes:
🔵 Faith room for players
🔵 The South Stand and its 34.99° gradient – the legal limit is 35°
🔵 747 toilets, 279 wheelchair bays – the… pic.twitter.com/qs64PDdIVe— The Athletic | Football (@TheAthleticFC) August 24, 2025
Сепак, стадионот е изграден со идеја да се зачува домашното чувство од Гудисон Парк. На ѕидовите може да се видат фотографии од клупските икони, а латинското мото на Евертон “Nil Satis Nisi Optimum” е испишано во тунелот, за тимовите да може да го прочитаат пред да излезат на теренот. Делови од оригиналното пристаниште и историската железничка пруга се зачувани, со цел да се испочитува традицијата и поморската историја на градот.
We made it happen. Together. 🏟️💙 pic.twitter.com/Q4FcQdITpk
— Everton (@Everton) August 24, 2025
