По катастрофалниот пораз од 3-0 на гостувањето кај „фенерџијата“ Волвс, ситуацијата во Вест Хем е зовриена. Навивачите на „чеканите“ веќе го загубија трпението со менаџерот Нуно Еспирито Санто и гласно бараат промени.
Според извештаите од Островот, позицијата на португалскиот стратег виси на конец, а клубот веќе разгледува потенцијални замени за да го спаси прволигашкиот статус. Вест Хем моментално е во зоната за испаѓање, заостанувајќи 4 бода зад Нотингем Форест.
Билиќ се враќа на местото на злосторството?
Англиските медиуми веќе лицитираат со имиња, а како најсериозен кандидат се издвојува Славен Билиќ. Хрватот, кој е миленик на фановите од неговиот прв мандат, моментално е слободен агент по заминувањето од Саудиска Арабија и се смета за идеално решение за стабилизација на тимот.
Покрај Билиќ, во игра се и имињата на Мајкл Керик (поранешен менаџер на Мидлсброу) и Гери О’Нил, кој има искуство во битките за опстанок.
Дали раководството на Вест Хем ќе повлече потег пред да биде предоцна?
