Бразилското чудо од дете, Ендрик, ја шокираше јавноста на својата промоција во новиот клуб. 19-годишниот напаѓач, кој вчера и официјално беше претставен како нов играч на францускиот гигант Лион (позајмица), призна дека клучната улога за неговото заминување од „Сантијаго Бернабеу“ ја одиграл никој друг, туку поранешниот тренер на Реал и актуелен селектор на Бразил – Карло Анчелоти.
Ендрик, кој оваа сезона одигра само 99 минути под водство на Чаби Алонсо, побарал совет од својот ментор како да ја спаси сезоната и местото во репрезентацијата пред Светското првенство 2026.
9️⃣ @Endrick ❤️💙
— Olympique Lyonnais (@OL) January 5, 2026
📸 @DamienLGphoto pic.twitter.com/PkkonOfotj
„Оди таму каде што ќе бидеш среќен“
На прес-конференцијата во Франција, Ендрик беше искрен до крај.
„Да, зборував со Карло. Ми даде инструкции што треба да направам за да напредувам и тоа навистина ме допре. Неговиот совет беше да си заминам од Реал, да одам некаде каде што ќе играм и ќе бидам среќен. Карло имаше голема улога во оваа одлука,“ откри младиот напаѓач.
Лион како „бразилска колонија“
Освен советот од Анчелоти, Ендрик го избрал Лион и поради тренерот Пауло Фонсека. Фактот што стручниот штаб зборува португалски е огромен плус за неговата адаптација.
Лион има богата историја со бразилски фудбалери, од Жунињо Пернамбукано до Лукас Пакета и Бруно Гимараеш, па Ендрик се надева дека ќе ги следи нивните стапки и ќе ја врати формата потребна за да го облече дресот на „Селесао“ на Мундијалот.
