По успешното „загревање“ и победата над Бахреин, македонската ракометна репрезентација денеска (петок) го продолжува настапот на „Жолтиот куп“ во Швајцарија. Вториот предизвик за избраниците на Кирил Лазаров е европската селекција на Украина.
Натпреварот започнува во 17:45 часот, а ова ќе биде одлична прилика да се види формата на нашите момци против ривал кој негува поцврст ракомет, сличен на она што нè чека на Европското првенство.
Навивачите можат да го следат натпреварот во живо преку официјалниот стрим на организаторот:
Избраниците на Кирил Лазаров вчера покажаа карактер, иако играта имаше осцилации. Капитенот Филип Кузмановски и голманското дуо Митревски-Томовски беа клучните фигури во триумфот над Бахреин.
Како изгледаше тоа во детали и што научивме од првиот меч, прочитајте во нашата стручна анализа:
Денешниот противник, Украина, е физички помоќен од Бахреин и негува поцврст, европски стил на ракомет. Ова ќе биде вистинскиот репер за моменталната подготвеност на „црвено-жолтите“ пред патот за Данска.
Натпреварот започнува во 17:45 часот, а преносот е обезбеден преку официјалниот стрим на турнирот.
Утре (сабота) турнирот завршува со дуел против домаќинот Швајцарија.
