После долг тениски ден во рамките на Дејвис Купот, македонските тениски репрезентативци Калин Ивановски и Стефан Мицов во тежок и неизвесен натпревар успеаја да ја совладаат двојката на Молдавија за конечни 2:1.
Денот започна со победата на Мицов од 2:0 над Андреј Горбан, а потоа следуваше поразот на Калин Ивановски од страна на расположениот Илја Снитари.
Сите надежи потоа беа оставени на дубл мечот, па и покрај високите температури под жешкото скопско сонце и напорниот меч, сепак македонската двојка Ивановски – Мицов успеа да дојде до одлична победа.
Ова беше клучен меч за репрезентацијата на Македонија да се унапреди во повисок ранг на ова натпреварување.
Натпреварите ќе продолжат утре со екипата на Ерменија, која досега нема издвојувано ниту една победа, па се надеваме дека нашите момци лесно ќе дојдат до уште еден успешен победнички ден.
