Официјално: Луис Дијаз претставен како играч на Баерн Минхен

Во трансфер вреден 75 милиони евра, Луис Дијаз се пресели од Ливерпул во Баерн Минхен со договор до 2029 година. Денес, колумбискиот фудбалер беше и официјално претставен од страна на бундеслигашот.

“Многу сум среќен. Ми значи што сум дел од Баерн, тоа е еден од најголемите клубови во светот”, изјави Дијаз.

Тој додаде дека е подготвен да му помогне на клубот со својата игра, а соиграчите денес се запознаа со Лучо и му посакаа топло добредојде.

“Сакам да му помогнам на мојот нов тим со мојот стил на игра и мојот карактер, бидејќи мојата цел е да ги освојам сите можни трофеи. Ќе работиме кон тоа секој ден како екипа”, додаде Дијаз.

Погледнете ги фотографиите од првиот ден на Луис Дијаз во Баерн Минхен.