Сагата заврши, а „Олд Трафорд“ има нов предводник. Манчестер Јунајтед вечерва официјално го потврди именувањето на својата играчка легенда, Мајкл Керик, за главен тренер до крајот на сезоната 2025/26.
Поранешниот играч од средниот ред, кој помина 12 години во црвениот дрес и освои сè што можеше да се освои, се враќа на „Театарот на соништата“ по успешната епизода како менаџер на Мидлсборо.
Michael Carrick is back 🤝
— Manchester United (@ManUtd) January 13, 2026
Our former captain is our Head Coach for the remainder of 2025/26 🔴
„Знам што е потребно за успех овде“
Во својата прва изјава, Керик не криеше дека ова е остварување на уште еден сон, иако доаѓа во тежок момент за клубот.
„Одговорноста да го водам Манчестер Јунајтед е чест. Знам што е потребно за да се успее овде. Мојот фокус е да им помогнам на играчите да ги достигнат стандардите што се очекуваат од овој клуб. Има уште многу за што да се бориме оваа сезона“, изјави Керик.
Неговиот стручен штаб ќе биде полн со познати имиња, вклучувајќи ги Стив Холанд (поранешен помошник на Саутгејт), Џонатан Вудгејт и уште една клупска легенда, Џони Еванс.
Фан Факт: Дете на Њукасл кое стана икона на Јунајтед
Иако Керик е синоним за Манчестер Јунајтед, малкумина знаат дека неговото срце уште од детството чука за „црно-белите“. Роден во Волсенд, Тајн и Вер (околијата на Њукасл), Керик е страстен навивач на Њукасл Јунајтед и член на познатиот „Wallsend Boys Club“ од каде што проникна големиот Алан Ширер.
За жал (или за среќа на Јунајтед), тој никогаш не доби шанса да заигра за својот омилен клуб од детството. Вест Хем го „украде“ на 16 години, а останатото е историја. Денес, тој е легенда на ривалот, но корените од Тајнсајд никогаш не се забораваат.
Деби во „Оган“: Сити доаѓа на гости!
Керик нема време за славење. Неговото деби ќе биде вистинско огнено крштевање, градското дерби против Манчестер Сити веќе оваа сабота на ручек. Дали „новиот ‘шеф’ на стручниот штаб“ ќе може да го запре шампионот и да ја врати надежта кај „Црвените ѓаволи“?
