Натпреварот помеѓу Париз Сент-Жермен и Ливерпул во Лигата на шампионите не понуди само врвен фудбал на теренот, туку и вистински спектакл на трибините. Навивачите на ПСЖ уште еднаш докажаа зошто важат за едни од најкреативните во Европа, пречекувајќи ги гостите од Англија со кореографија која многумина веќе ја прогласија за најдобра во сезоната.
На преполниот „Парк на принцовите“, ултрасите на парискиот клуб развија огромно платно (тифо) инспирирано од Марвеловиот суперхерој „Неверојатниот Хулк“.
Unreal display from PSG before the game against Liverpool tonight. 👊 pic.twitter.com/opbY7tqnxV
— Football Away Days (@FBAwayDays) April 8, 2026
„Разбудете го Хулкот во вас“
Кореографијата прикажуваше моќна фигура на Хулк, обоен во црвена и сина боја (боите на клупскиот грб на ПСЖ), како со своите огромни раце го растргнува на половина препознатливото лого на Ливерпул. Покрај оваа импресивна слика, навивачите испратија и јасна порака до своите миленици: „Вечерва разбудете го Хулк во вас!“.
Спектаклот не застана тука. На другиот дел од стадионот беше прикажано дополнително тифо каде човек во дресот на ПСЖ ја кине својата облека за да го ослободи внатрешниот суперхерој. Ваквата огнена атмосфера очигледно имаше влијание врз играчите на Ливерпул, кои изгледаа целосно изгубено под притисокот на 45.000 грла.
@meninblazers INCREDIBLE HULK TIFO IN PARIS 👊 PSG fans’ message to the players in the Champions League quarter-final with Liverpool: “Tonight, awaken the Hulk within you.” 🔥 Liverpool won’t like PSG when they’re angry 😤 #psg #championsleague #liverpoolfc #tifo ♬ original sound – Men in Blazers
“Ce soir, réveillez le Hulk qui est en vous”. Double tifo des supporters du PSG, côté Auteuil et côté Boulogne #PSGLIV pic.twitter.com/oAgwarbRRH
— Andréa La Perna (@A_LaPerna) April 8, 2026
ПСЖ го послуша повикот на трибините
Молбата на навивачите вроди со плод по само 11 минути игра. Младиот Дезире Дуе ја круниса доминацијата на ПСЖ со погодок за 1-0. Иако имаше доза на среќа, бидејќи ударот го закачи Рајан Гравенберх и го измами голманот Мамардашвили, овој гол имаше историско значење.
Со овој погодок, 20-годишниот Дуе стана шесттиот најмлад играч во историјата на Лигата на шампионите кој стигнал до бројката од 10 гола, придружувајќи им се на имињата како Ламин Јамал, Килијан Мбапе, Ерлинг Халанд, Џуд Белингем и Карим Бензема.
Ливерпул остана во игра единствено благодарение на голманот Гиорги Мамардашвили, кој со неколку брилијантни одбрани ги сопре Кварацхелија и Дуе, но кореографијата на „светците“ веќе ја заврши својата работа – ментално го скрши противникот уште пред почетокот на мечот.
