Како што и самиот кажа, српскиот тенисер и на 38 години е дојден да игра за да победува. Па, тоа му успеа и денес на Новак Ѓоковиќ, кој во втората рунда успеа да го совлада противникот Еванс со резултат 3:0 или 6-3, 6-2, 6-0 во сетови.
Ноле без никакви проблеми стигна до третата рунда, на терените каде има освоено дури седум титули.
Интересна беше и изјавата на Ноле после натпреварот: “Кога ќе го оставам рекетот, најверојатно ќе пијам маргарита на плажа со Федерер и Надал и ќе се осврнуваме на нашето ривалство на терените”.
Изгледа дека дури и на 38 години тоа сè уште не му е во план, па ќе го гледаме и во третата рунда од престижниот Вимблдон.
“Sip margarita on the beach with Federer and Nadal and just reflect on our rivalry” @rafaelnadal, @rogerfederer are you down? #Wimbledon pic.twitter.com/tfc61uWv9K
— Wimbledon (@Wimbledon) July 3, 2025
