Серијата од три последователни победи на Реал Мадрид на стартот од сезоната во Ла Лига неочекувано беше прекината во Севиља. Во драматичен натпревар одигран на стадионот „Ла Картуха“, екипата на Реал Бетис славеше со минимални 1-0, нанесувајќи му го првиот пораз на Жозе Мурињо во неговиот втор мандат на клупата на „кралскиот клуб“.
Натпреварот имаше исклучително бурна завршница, во која гостите пропуштија неколку големи прилики за израмнување, вклучувајќи и нереализиран пенал на Килијан Мбапе во 91-та минута.
Álvaro Valles Rosa (La Rinconada, Sevilla, 25 de julio de 1997) es un futbolista español que juega de portero en el Real Betis Balompié de la Primera División.
— Real Betis Balompié 🌴💚 (@RealBetis) September 4, 2026
Se caracteriza por dar puntos al equipo de su alma.
Gracias.#LaLigaHighlights pic.twitter.com/4F8dkPRTOv
Парот ја искористи несигурноста по прекинот
Иако Реал Мадрид имаше територијална иницијатива и контрола врз играта во поголемиот дел од средбата, домаќините трпеливо ја чекаа својата шанса од контранапад и прекини. Одлучувачкиот момент се случи во 81-та минута.
По изведен корнер, Тибо Куртоа првично одлично интервенираше по ударот со глава на Нелсон Деоса, но најприсебен во петерецот беше ирскиот репрезентативец Трој Парот. Напаѓачот, кој влезе во игра од клупата во 68-та минута, вешто ја смести одбиената топка во мрежата за водство на Бетис и свој дебитантски гол по трансферот од АЗ Алкмар.
Драма во финишот: Поништен гол на Еспи и одбранет пенал на Ваљес
Примениот погодок го принуди Мурињо да фрли сè во напад. Во 87-та минута новото засилување Карлос Еспи постигна ефектен гол со ножички по нафрлувањето на Винисиус Жуниор, но по интервенција на ВАР-собата погодокот беше поништен поради недозволена позиција во зачетокот на акцијата.
Притисокот продолжи, па во судиското продолжение Реал Мадрид доби најстрога казна по прекршокот врз Винисиус. Одговорноста ја презеде Килијан Мбапе, но неговиот удар од белата точка беше прочитан и одбранет од домашниот голман Алваро Ваљес. Судиите ја прегледуваа снимката за потенцијално предвремено влегување на дефанзивец на Бетис во шеснаесетникот, но одлуката на теренот остана на сила. Ваљес до крајот имаше уште една клучна интервенција, одбранувајќи удар со глава на Еспи во 96-та минута за потврда на трите бода.
Мурињо: „Одигравме добар меч, поразот е тешко да се објасни“
По натпреварот, тренерот на Реал Мадрид не го криеше разочарувањето од крајниот исход со оглед на развојот на настаните на теренот.
„Сметам дека тимот одигра добар меч. Понекогаш во фудбалот се случува да загубите без јасно логично објаснување. Бевме доминантни, стоперите контролираа сè и создадовме доволно шанси за гол. Дури и реми ќе беше разочарувачки исход за нас со оглед на прикажаното, па затоа овој пораз боли уште повеќе“, изјави Мурињо.
Сепак, медиумите во Шпанија веќе отворија прашања околу тактичките одлуки на португалскиот стратег. Изненадување беше појавувањето на Едуардо Камавинга во почетниот состав покрај Феде Валверде, додека новото засилување Бернардо Силва остана на клупата иако поради суспензија нема право на настап на претстојниот меч во Лигата на шампионите против Интер. Мурињо го повлече од игра и расположениот Арда Ѓулер поради заработен жолт картон, по што натпреварот го заврши со петмина напаѓачи на теренот.
Реал Мадрид нема многу време за анализа, бидејќи веќе во вторник ги очекува европскиот старт против италијанскиот шампион.
