Напаѓачот на Лидс Јунајтед, Доминик Калверт-Луин, официјално е прогласен за „Играч на месецот“ во Премиер лигата за декември 2025 година. Ова е прво вакво признание за него по пауза од цели шест години, но и историски момент за неговиот клуб Лидс Јунајтед.
Историски успех за Лидс Јунајтед
Калверт-Луин стана првиот фудбалер на Лидс кој ја освоил оваа престижна награда по пауза од неверојатни 24 години. Последниот играч на овој клуб кој беше прогласен за најдобар во месецот беше легендарниот Рио Фердинанд во октомври 2001 година. Исто така, Доминик е првиот играч од тим кој дошол од втората лига (Чемпионшип) со вакво признание по Тему Пуки во 2019 година.
A super scoring streak to help move @LUFC clear of the relegation zone ⬆️ pic.twitter.com/tjeHhP2kB7
— Premier League (@premierleague) January 16, 2026
Декемвриска серија: Гол на секој натпревар!
Искусниот напаѓач беше во нестварна форма за време на празничниот период, постигнувајќи гол на сите пет натпревари на кои настапи во декември со вкупен ефект од шест погодоци. Тој беше клучен во победите над Челси и Кристал Палас, каде двапати ја тресеше мрежата, а постигна и важни израмнувачки голови во дуелите против Брентфорд и Сандерленд. Својата доминација ја потврди и со прецизно изведениот пенал во епското реми од 3-3 против актуелниот шампион Ливерпул.
