Седумгодишната љубовна приказна меѓу Рафаел Леао и Милан и официјално заврши. Португалскиот офанзивец ги спакува куферите и ја напушта Италија, а негова нова дестинација е Истанбул и реномираниот состав на Галатасарај. Трансферот вреден меѓу 43 и 45 милиони евра, зацврстен со бонус клаузули и процент од следната продажба, става точка на едно поглавје кое остави длабока трага на „Сан Сиро“.
Тивка разделба без последниот поздрав на теренот
Иако првичните најави го носеа Леао на теренот за време на дуелот со Венеција каде требаше пред полн стадион да се поздрави со публиката, до таков јавен епилог не дојде. Неговото заминување се реализираше во дискретна атмосфера, брзо откако турскиот гигант испрати приватен авион по него во Милано. Одбивајќи ја понудата од Астон Вила која не ги задоволи апетитите на клубот, Леао прифати преселба во Турција каде го чека годишна плата од 12 милиони евра.
Il @GalatasaraySK è arrivato a Milano per prendere Leão. Ecco Abdullah Kavukcu, vicepresidente del club turco e uomo-mercato, all’aeroporto di Linate Prime @SkySport pic.twitter.com/fgEuBM8Voa
— Gianluca Di Marzio (@DiMarzio) August 28, 2026
Солзи, емоции и вечна врска со црвено-црниот дрес
Во својата прва изјава по комплетирањето на трансферот, португалскиот ас призна дека разделбата му паѓа исклучително тешко и дека жали што не се збогувал директно на зелениот тепих.
„Ова е тежок момент. Се надевав на поинаков крај, да се збогувам на теренот уште еднаш пред навивачите кои ми помагаа особено во моментите кога не ни одеше најдобро“, изјави емотивниот Леао.
За време на седумте години во Милано, тој беше клучен фактор во освојувањето на долгочекуваното Скудето и домашниот Суперкуп, а носеше и признание за најдобар играч во лигата. Иако призна дека пролеал многу солзи поради разделбата, тој нагласи дека врската со клубот нема рок на траење.
„Ова не е крај на љубовна приказна, бидејќи љубовта што ја имам кон Милан никогаш нема да заврши. Секогаш ќе ги следам од далечина“, порача новото засилување на Галатасарај.
