Бојан Миовски е изоставен од денешниот состав на Ренџерс. И покрај очајниот старт на сезоната за гигантот од Глазгов, Македонецот едноставно не успева да пронајде место во плановите на новиот менаџер Дерек Мекинс.
Само 15 минути на терен и пекол од конкуренција
По неговата блескава „брејкаут“ сезона во Абердин, искрено и со тешко срце мораме да признаеме дека кариерата на Миовски оди во надолна линија. Оваа сезона тој има добиено мизерни 15 минути во првиот тим, без ниту еден единствен настап во шкотското првенство или Купот.
Конкуренцијата во нападот на „Ајброкс“ стана пеколна откако клубот го урна својот буџет и го донесе Кевин Келси од Портланд Тимберс за неверојатни 9,5 милиони фунти, како директна замена за тешко повредениот Јусеф Чермити. Доколку се остварат најавите и Ренџерс го доведе и напаѓачот на Родез, Ибрахима Балде, тоа ќе значи и дефинитивен крај за Миовски во Шкотска.
Шпанска врска: Валенсија како светлина на крајот од тунелот
Управата на Ренџерс, која во 2025 година го откупи Миовски од Џирона за 2,6 милиони фунти (со потенцијал да достигне 4,2 милиони), сега е подготвена да го продаде во овие последни денови од летниот преоден рок.
За среќа, сè уште има надеж. Според последните информации, шпанскиот великан Валенсија покажува сериозен интерес за македонскиот голгетер. Овој трансфер би значел враќање во Примера, но и формирање на пеколно македонско дуо, бидејќи на голот на „Лилјаците“ веќе стои нашиот Столе Димитриевски.
Како редакција, искрено се надеваме дека Бојан Миовски ќе успее да пронајде добар клуб во финишот на преодниот рок, каде конечно ќе ја добие минутажата што несомнено ја заслужува.
