Арина Сабаленка го помина својот прв голем тест на овогодинешниот Австралија Опен. Светската број еден успеа да ја совлада Анастасија Потапова со 7-6 (4), 7-6 (7), но патот до победата беше далеку од лесен. Иако се чинеше дека Сабаленка има сè под контрола, сепак мораше „магично“ да се спасува во натпревар полн со пресврти.
Од сигурно водство до неочекувана драма
Сабаленка изгледаше недопирлива кога во вториот сет поведе со убедливи 4-0. Сепак, Потапова (која сега настапува под знамето на Австрија) не се предаде. Таа направи неверојатна серија, трипати и го одзеде сервисот на првата носителка и поведе со 6-5.
Во решавачкиот тај-брејк од вториот сет, Потапова пропушти дури четири сет-топки за да го однесе мечот во трет сет. Сабаленка покажа зошто е шампионка кога е најпотребно, остана клинички прецизна во клучните поени и ја запечати победата по два исцрпувачки сета.
„Мојот мозок беше на друго место“
По натпреварот, Сабаленка беше искрена за своите емотивни падови за време на дуелот на „Род Лејвер Арената“.
„Таа одигра неверојатен тенис. Има денови кога едноставно мораш да бидеш таму и да се бориш. Емотивно бев насекаде… Се обидував да се смирам, но не ми одеше најдобро. Мојот мозок беше на друго место, рацете ми одеа во друга насока. Некако, магично, успеав да дојдам до оваа победа“, изјави Сабаленка.
Aryna Sabalenka after beating Potapova at Australian Open
— The Tennis Letter (@TheTennisLetter) January 23, 2026
“I was trying to figure out how to connect my body. It seemed like my brain was somewhere else, my arms were going one direction, my …… was going the other direction” 😭😭😭
pic.twitter.com/YcPMIbMDqo
Следен предизвик: Младата Викторија Мбоко
Ова е шестта последователна година како Сабаленка се пласира во осминафиналето во Мелбурн, каде што веќе има две титули (2023 и 2024). Нејзина следна противничка ќе биде 17-годишната Канаѓанка Викторија Мбоко, која е вистинско освежување на турнирот и веќе го привлече вниманието со својот пласман во втората недела на своето деби во главната ждрепка.
